റെയില്‍വേ റിക്രൂട്ട്‌മെന്റ് സെല്‍ (ആര്‍ആര്‍സി) 2022-23 വര്‍ഷത്തിലേക്കുള്ള നിയമനത്തിന് തയ്യാറെടുക്കുന്നു . ഇതിന്റെ ഭാഗമായി സൗത്ത് ഈസ്റ്റേണ്‍ റെയില്‍വേയുടെ അധികാരപരിധിയില്‍ 1758 അപ്രന്റീസ് തസ്തികകളിലേക്ക് ഓണ്‍ലൈന്‍ അപേക്ഷകള്‍ ക്ഷണിച്ചു .

ഉദ്യോഗാർത്ഥികൾക്ക് ഔദ്യോഗിക വെബ്സൈറ്റായ rrcser.co.in വഴി അപേക്ഷിക്കാവുന്നതാണ് എന്ന് റെയിൽവേ അറിയിച്ചു . അപേക്ഷകർ ഫെബ്രുവരി രണ്ടിന് മുൻപ് അപേക്ഷിക്കണം . ഫെബ്രുവരി രണ്ടാണ് അപേക്ഷിക്കാനുള്ള അവസാന തീയതി. അംഗീകൃത ബോർഡിൽ നിന്നുള്ള മെട്രിക്കുലേഷൻ സർട്ടിഫിക്കറ്റ് ആണ് യോഗ്യത, കുറഞ്ഞത് 50% മൊത്തത്തിൽ മാർക്കോടെ (അധിക വിഷയങ്ങൾ ഒഴികെ) ഒരു ITI പാസ് സർട്ടിഫിക്കറ്റും (അപ്രന്റീസ്ഷിപ്പ് ചെയ്യേണ്ട ട്രേഡിൽ) എസ്.സി.വി.ടി സർട്ടിക്കറ്റ് എന്നിവയാണ് ഉദ്യോഗാര്ഥിക്ക് വേണ്ട യോഗ്യത

അതത് ട്രേഡുകളിലെ വിജ്ഞാപനത്തിൽ അപേക്ഷിക്കുന്ന എല്ലാ ഉദ്യോഗാർത്ഥികളുടെയും തയ്യാറാക്കിയ (ട്രേഡ് തിരിച്ചുള്ള) മെറിറ്റ് ലിസ്റ്റ് അടിസ്ഥാനമാക്കിയാണ് തിരഞ്ഞെടുപ്പ്. സൗത്ത് ഈസ്റ്റേൺ റെയിൽവേയുടെ ഔദ്യോഗിക വെബ്സൈറ്റായ rrcser.co.in സന്ദർശിച്ചാൽ വിശദ വിവരങ്ങൾ അറിയാവുന്നതാണ് .

ഓൺലൈൻ അപേക്ഷാ ഫോം ശ്രദ്ധാപൂർവ്വം പൂരിപ്പിക്കണം. ഉദ്യോഗാർത്ഥികൾ അവരുടെ സ്കാൻ ചെയ്ത ഫോട്ടോയും ഒപ്പും അപ്ലോഡ് ചെയ്യണം.