ആ​ന്‍റ​ണി വ​ർ​ഗീ​സ് നാ​യ​ക​നാ​കു​ന്ന മേരി ജാൻ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ തരംഗമാകുന്നു. താരം തന്നെയാണ് തന്റെ സമൂഹ മാധ്യമങ്ങളിലൂടെ പോസ്റ്റർ പങ്കുവെച്ചത്. നവാഗതനായ അഭിഷേക് കെ സംവിധാനം  ചെയ്യുന്ന ചിത്രത്തിന് രചന നിർവഹിച്ചിരിക്കുന്നത് അനുരാജ് ഒ ബിയാണ്. സിനിമ സ്വപ്നങ്ങളുമായി നടക്കുമ്പോൾ കൂടെ ഉണ്ടായിരുന്നവരിൽ ഒരാളാണ് അഭിഷേക് എന്നു പറഞ്ഞുകൊണ്ടാണ് ആന്‍റണി വർഗീസ് പോസ്റ്റർ പങ്കുവെച്ചത്.

ഡോക്ടർ പോൾ വർഗീസാണ് ചിത്രം നിർമിക്കുന്നത്. അങ്കമാലി ഡയറീസ് എന്ന ചിത്രത്തിലൂടെ 2017 ൽ ആണ് ആന്റണി വർഗീസ്  അരങ്ങേറ്റം കുറിച്ചത്. അങ്കമാലി ഡയറീസിലെ കഥാപാത്രത്തിന്റെ പേരായിരുന്നു പെപ്പെ.