സിനിമാ പ്രമോഷനെച്ചൊല്ലി മലയാള സിനിമയില് ഉടലെടുത്ത വിവാദം; താരങ്ങള്ക്കെതിരെ കടുത്ത വിമര്ശനവുമായി എന്.എം. ബാദുഷ
മലയാള സിനിമാ പ്രമോഷനെച്ചൊല്ലി ഉടലെടുത്ത വിവാദങ്ങളില് താരങ്ങള്ക്കെതിരെ കടുത്ത വിമര്ശനവുമായി പ്രൊഡക്ഷന് കണ്ട്രോളറും നിര്മ്മാതാവുമായ എന്.എം. ബാദുഷ. നടന് ബിജു മേനോന്റെ നിസ്സഹകരണം മൂലം നിര്മ്മാതാവിന് വന് സാമ്പത്തിക നഷ്ടം സംഭവിച്ചെന്ന ബി. ഉണ്ണികൃഷ്ണന്റെ വെളിപ്പെടുത്തലിന് പിന്നാലെയാണ് ബാദുഷ നിലപാട് വ്യക്തമാക്കിയത്. എല്ലാ താരങ്ങളുമല്ലെങ്കിലും വളരെ കുറച്ചുപേര് ഇത്തരത്തില് സിനിമയോട് വിമുഖത കാണിക്കുന്നുണ്ടെന്നും, ബി. ഉണ്ണികൃഷ്ണന് സൂചിപ്പിച്ച നടനും അതില് ഉള്പ്പെട്ടിട്ടുണ്ടെന്നും ബാദുഷ തുറന്നടിച്ചു.
ഒരു സിനിമയില് അഭിനയിക്കാന് കരാര് ഒപ്പിടുമ്പോള് തന്നെ പ്രമോഷനില് സഹകരിക്കണമെന്ന് പ്രൊഡ്യൂസേഴ്സ് അസോസിയേഷന് നിര്ദ്ദേശിച്ചിട്ടുള്ളതാണെന്നും, സിനിമയോടും നിര്മാതാവിനോടും പ്രതിബദ്ധത കാണിക്കാത്ത ഇത്തരം പ്രവണതകള് അത്യന്തം മോശമാണെന്നും ബാദുഷ കുറ്റപ്പെടുത്തി.
''എല്ലാ താരങ്ങളും ഇല്ല വളരെ കുറച്ചു താരങ്ങള് ഇങ്ങനെയുള്ള പ്രവണത കാണിക്കാറുണ്ട്. അതില് ഇന്ന് ഉണ്ണിയേട്ടന് പ്രവചിച്ച ഒരു ആര്ട്ടിസ്റ്റും ഉള്പ്പെട്ടിട്ടുണ്ട്. താരങ്ങള് പ്രമോഷന് വരണം. താരങ്ങള് പ്രമോഷന് വരാത്തത് വലിയ മോശമല്ലേ. അവര്ക്ക് ആ സിനിമയില് അഭിനയിക്കുമ്പോള് ഒരു പ്രതിബദ്ധതയില്ലേ.
അവര് ഒരു സിനിമയില് അഭിനയിക്കുമ്പോള് എഗ്രിമെന്റ് ഒപ്പിടുന്നുണ്ട്, അതില് പ്രൊഡ്യൂസേഴ്സ് അസോസിയേഷന് പറഞ്ഞിട്ടുണ്ട് പ്രമോഷന് വയ്ക്കുമ്പോള് ആര്ട്ടിസ്റ്റുകള് കൃത്യമായി വരണം എന്ന്. എന്നിട്ടും വരാത്തത് ഭയങ്കര മോശമാണ് അതുകൊണ്ടാണ് അദ്ദേഹം അങ്ങനെ പറഞ്ഞത്.''ബാദുഷ പറയുന്നു.
https://www.facebook.com/Malayalivartha
