മലയാളത്തിന്റെ ലേഡി സൂപ്പർസ്റ്റാർ മഞ്ജു വാര്യർക്കെതിരെ സോഷ്യൽ മീഡിയയിൽ നടക്കുന്ന ക്രൂരമായ സൈബർ ആക്രമണങ്ങൾക്കെതിരെ ശക്തമായ പ്രതിഷേധം ഇരമ്പുകയാണ്. ഒരു ഉദ്ഘാടന പരിപാടിക്കെത്തിയ താരത്തിന്റെ വസ്ത്രധാരണത്തെ അധിക്ഷേപിച്ചവർക്ക് നേരെ "മര്യാദയ്ക്ക് ഇത് നിർത്തിക്കോ" എന്ന താക്കീതുമായാണ് ആരാധകരും സിനിമാ പ്രേമികളും രംഗത്തെത്തിയിരിക്കുന്നത്...

കഴിഞ്ഞ ദിവസം മൈജിയുടെ ഉദ്ഘാടന ചടങ്ങിൽ പങ്കെടുക്കാൻ എത്തിയതായിരുന്നു മഞ്ജു വാര്യർ. കോഫി ബ്രൗൺ നിറത്തിലുള്ള സ്കേർട്ടും ടോപ്പും ധരിച്ച് അതിസുന്ദരിയായി എത്തിയ മഞ്ജുവിന്റെ വീഡിയോ നിമിഷങ്ങൾക്കകമാണ് വൈറലായത്. എന്നാൽ, അഭിനന്ദനങ്ങൾക്ക് പിന്നാലെ അങ്ങേയറ്റം സ്ത്രീവിരുദ്ധമായ കമന്റുകളുമായി ഒരു വിഭാഗം സദാചാരവാദികൾ രംഗത്തെത്തി. 'കിളവി', 'പാവാടകാരി', 'പ്രായം 50 കഴിഞ്ഞിട്ടും ഈ കോമാളി വേഷം എന്തിനാണ്' തുടങ്ങി വായേൽ തോന്നിയ അധിക്ഷേപങ്ങളാണ് ഇവർ ചൊരിഞ്ഞത്.