പതിവില്‍ നിന്ന് വ്യത്യസ്തമായാണ് അമ്മയുടെ മീറ്റിംഗ് ഇത്തവണ നടന്നത്. നിവിന്‍ പോളിയുടെയും ദുല്‍ഖറിന്റെയും പാട്ട്, സുരാജിന്റെ മിമിക്രി അങ്ങനെ മീറ്റിംഗ് തകര്‍ത്തു. സാധാരണ ഔദ്യോഗിക പരിപാടികള്‍ക്കാണ് അമ്മ പ്രാധാന്യം നല്‍കുന്നത്. അതില്‍ പങ്കെടെടുക്കാത്ത സാധാരണ അംഗങ്ങള്‍ കാഴ്ചക്കാരാകും. അത് വളരെ ബോറാണ്. അതുകൊണ്ട് ആ രീതി മാറ്റണമെന്ന് ജനറല്‍സെക്രട്ടറിയായ മമ്മൂട്ടിയാണ് പറഞ്ഞത്. അതുകൊണ്ട് ഇത്തവണ മീറ്റിംഗിനിടെ ആരും മുങ്ങിയില്ല. ഔദ്യോഗിക ചര്‍ച്ചകളെല്ലാം ഉച്ചയ്ക്ക് ശേഷമാണ് നടന്നത്. 
രാവിലെ നടക്കുന്ന സെഷനില്‍ എല്ലാ അംഗങ്ങളും പങ്കെടുക്കണമെന്ന് മമ്മൂട്ടിക്ക് നിര്‍ബന്ധം ഉണ്ടായിരുന്നു. അതുകൊണ്ട് എല്ലാവരും കലാപാരിപാടികളോ മറ്റൊ അവതരിപ്പിച്ചു. ആശയം മികച്ചതാണെന്ന് പറഞ്ഞതോടെ സെക്രട്ടറി ഇടവേള ബാബു അതിനുള്ള സൗകര്യങ്ങളൊരുക്കി. മീരാനന്ദന്റെ പാട്ടോടെയാണ് കലാപരിപാടികള്‍ ആരംഭിച്ചത്. വിനോദ് കോവൂരിന്റെ കോമഡി പാട്ടോടെ പരിപാടി അവസാനിച്ചു. ദിലീപും രമേഷ് പിഷാരടിയും പാഷാണം ഷാജിയും മിമിക്രി അവതരിപ്പിക്കാനുണ്ടായിരുന്നു. 
നാദിര്‍ഷ പതിവില്‍ നിന്ന് മാറി കവിതയാണ് ആലപിച്ചത്. പുള്ളിതന്നെ എഴുതി ഈണമിട്ടതാണ് കവിത. ഏറ്റവം കൂടുതല്‍ കയ്യടി കിട്ടിയത് ഭീമന്‍ രഘുവിന്റെ പാട്ടിനും പ്രസംഗത്തിനുമായിരുന്നു. മമ്മൂട്ടി എന്തെങ്കിലും പരിപാടി അവതരിപ്പിക്കണമെന്ന് സദസില്‍ നിന്ന് ആവശ്യം ഉയര്‍ന്നെങ്കിലും പിന്നീട് ആവാമെന്ന് പറഞ്ഞ് താരം ഒഴിഞ്ഞു. യുവതലമുറയിലെ താരങ്ങളാണ് ഏറ്റവും കൂടുതല്‍ പരിപാടികള്‍ അവതരിപ്പിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha