കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 18ാമത് രാജ്യാന്തര ഡോക്യുമെന്ററി, ഹ്രസ്വചിത്രമേള (ഐ.ഡി.എസ്.എഫ്.എഫ്.കെ) യിലേക്ക് എന്‍ട്രികള്‍ ക്ഷണിച്ചു. 2026 മാര്‍ച്ച് 10 മുതല്‍ https://idsffk.in എന്ന വെബ്സൈറ്റ് മുഖേന എന്‍ട്രികള്‍ സമര്‍പ്പിക്കാം. 2026 മെയ് 10 ആണ് എന്‍ട്രികള്‍ സ്വീകരിക്കുന്നതിനുള്ള അവസാന തീയതി.

മല്‍സരവിഭാഗത്തിലെ ദീര്‍ഘ ഡോക്യുമെന്ററി (40മിനിറ്റും അതില്‍ കൂടിയതും) ഹ്രസ്വ ഡോക്യുമെന്ററി ( 40 മിനിറ്റില്‍ കുറഞ്ഞവ) ഷോര്‍ട്ട് ഫിക്ഷന്‍ (60 മിനിറ്റും അതില്‍ കുറഞ്ഞതും) മല്‍സരേതര വിഭാഗം, അനിമേഷന്‍ ചിത്രങ്ങള്‍, കാമ്പസ് ചിത്രങ്ങള്‍ എന്നീ വിഭാഗങ്ങളിലേക്കാണ് എന്‍ട്രികള്‍ ക്ഷണിച്ചിരിക്കുന്നത്. 2025 മെയ് ഒന്നിനും 2026 ഏപ്രില്‍ 30നുമിടയില്‍ ചിത്രീകരണം പൂര്‍ത്തിയാക്കിയ ചിത്രങ്ങളാണ് അയയ്ക്കേണ്ടത്.

ഓണ്‍ലൈന്‍ സ്‌ക്രീനറുകള്‍ മാത്രമേ പ്രിവ്യു മെറ്റീരിയല്‍ ആയി സ്വീകരിക്കുകയുള്ളൂ. അപേക്ഷ ഫോറം സമര്‍പ്പിച്ചതിനുശേഷം ലഭിക്കുന്ന ഇ-മെയിലിലെ ലിങ്ക് വഴി മല്‍സരവിഭാഗത്തിലേക്കുള്ള സബ്മിഷന്‍ ഫീ അടയ്ക്കേണ്ടതാണ്.