സമൂഹമാധ്യമങ്ങളിൽ ഒരുപാട് ആരാധക പിന്തുണയുള്ള താര കുടുംബങ്ങളിൽ ഒന്നാണ് നടൻ കൃഷ്ണ കുമാറിന്‍റെ കുടുംബം. ഭാര്യ സിന്ധു കൃഷ്ണ, മക്കളായ അഹാന, ദിയ, ഇഷാനി, ഹൻസിക എന്നിവർക്ക് ഇൻസ്റ്റാഗ്രാമിൽ ധാരാളം ഫോളോവേഴ്സാണ് ഉള്ളത്. ഇപ്പോള്‍ യൂട്യൂബിലും ഇവര്‍ തിളങ്ങുന്നതിനാൽ തന്നെ ആരാധകരുമായി കൂടുതൽ അടുത്ത് ഇടപഴകാറാണ് പതിവ്. ഇതിലൂടെ തന്നെ ആരാധകർ ചോദിക്കുന്ന സംശയങ്ങൾക്ക് കൃത്യമായി മറുപടിയും നൽകുന്നതാണ്.

എന്നാൽ കുടുംബത്തിലെ എല്ലാവരുടെയും തലമുടിയുടെ രഹസ്യമാണ് ആരാധകര്‍ എപ്പോഴും ചോദിക്കുന്നത്. ഇപ്പോഴിതാ കൃഷ്ണ കുമാര്‍ തന്നെ ഇതിന്‍റെ രഹസ്യം വെളിപ്പെടുത്തിക്കൊണ്ട് രംഗത്ത് എത്തിയിരിക്കുകയാണ്. തന്‍റെ യൂട്യൂബ് ചാനലിലൂടെയാണ് മക്കളും ഭാര്യയും ഉപയോഗിക്കുന്ന എണ്ണയെപ്പറ്റി കൃഷ്ണ കുമാര്‍ പറയുന്നത്.

വെളിച്ചെണ്ണയും ആവണക്കെണ്ണയും കറുവേപ്പിലയും ചേര്‍ത്തുള്ള എണ്ണയാണ് തങ്ങള്‍ ഉപയോഗിക്കുന്നതെന്നും കൃഷ്ണ കുമാര്‍ പറയുകയുണ്ടായി. ഒരു ലിറ്റര്‍ വെളിച്ചെണ്ണ, 100 മില്ലിലിറ്റര്‍ ആവണക്കെണ്ണ, ആവശ്യത്തിന് കറുവേപ്പില എന്നിവയാണ് ഈ എണ്ണ തയ്യാറാക്കാന്‍ വേണ്ട സാമഗ്രികകൾ.

"വെളിച്ചെണ്ണയിലേയ്ക്ക് ആവണക്കെണ്ണ ഒഴിച്ച് നന്നായി ചൂടാക്കുക. നന്നായി ചൂടായതിന് ശേഷം കറുവേപ്പില ഉണക്കി പൊടിച്ചത് ചേര്‍ക്കാം. കുറച്ചുനേരം കഴിഞ്ഞ് തണുക്കാന്‍ വയ്ക്കാം. ഒരു ദിവസത്തിന് ശേഷം ആവശ്യത്തിനനുസരിച്ച് ഉപയോഗിക്കാം"- എന്നാണ് വിഡിയോയിൽ കൃഷ്ണകുമാർ പറയുന്നത്.