സോഷ്യൽമീഡിയയിൽ ഒത്തിരി ആരാധകരുള്ള ഒരു താരമാണ് മഞ്ജു പത്രോസ്. മോഹൻലാൽ അവതാരകനായി എത്തിയ ബിഗ് ബോസിൽ നിന്നും മടങ്ങിയെത്തിയ താരം പുതിയ ഒരു പരമ്പരയിലൂടെ മിനി സ്ക്രീനിലൂടെയും വ്‌ളോഗിങ്ങിലൂടെയും തിളങ്ങി. അളിയൻസ് എന്ന കോമഡി പരമ്പരയിലൂടെയാണ് ഇപ്പോൾ മഞ്ജു പ്രേക്ഷകർക്കിടയിൽ നിറയുന്നത്. ഇപ്പോഴിതാ മഞ്ജു പങ്കിട്ട ഒരു വീഡിയോ ആണ് സോഷ്യൽ മീഡിയയിൽ വൈറൽ ആകുന്നത്.

മഞ്ജുവിന്റെ വാക്കുകളിലൂടെ...

ഞാൻ മഞ്ജു ആണ്,അളിയൻസിലെ തങ്കം. കുറെ ദിവസങ്ങൾ ആയിട്ട് നമ്മൾക്ക് അളിയൻസിന്റെ ഷൂട്ടിങ് വയ്ക്കാൻ സാധിച്ചിട്ടില്ല. ഒരു ചെറിയ ഇടവേള എടുക്കുകയാണ്. മിക്കവാറും ഒരു രണ്ടാഴ്ച കാലത്തേക്ക് നമ്മൾക്ക് കാണാൻ കഴിയില്ല. ഈ ആഴ്ച ഷൂട്ടിങ് വയ്ക്കേണ്ടത് ആയിരുന്നു. പക്ഷെ സാധിക്കില്ല കാരണം. ടെക്‌നീഷന്മാർ, പ്രത്യേകിച്ച് ഡയറക്ടർ സാർ കൺട്രോളർ ഉൾപ്പെടെ നിരവധിപേർക്ക് കോവിഡ് പോസിറ്റീവ് ആയി. അപ്പോൾ അതുമായി ബന്ധപെട്ടു പ്രാർത്ഥനയിലും മറ്റുമാണ് ഞങ്ങൾ. ഞങ്ങൾ ഒക്കെ ഇപ്പോൾ മടങ്ങി പോന്നു. എല്ലാവരുടെയും പ്രാർത്ഥന വേണം. അവരൊക്കെ സുഖമായി ഇരിക്കുകയാണ്. എങ്കിലും വേഗം നെഗറ്റീവ് ആകാനുള്ള പ്രാർത്ഥന ഉണ്ടാകണം. ഷൂട്ടിങ് വേഗം ആരംഭിക്കുവാനും പ്രാർത്ഥനയിൽ ഉൾപ്പെടുത്തണം. എത്രയും പെട്ടെന്ന് ഞങ്ങൾ തിരിച്ചുവരും. ടെലികാസ്റ്റ് ഉണ്ടാകും എന്നും മഞ്ജു പറയുന്നു. ഞങ്ങളെ കണ്ടില്ലെന്നു വച്ചിട്ട് മറന്നു പോകരുത്. ഞങ്ങൾ ഉടൻ തന്നെ തിരിച്ചെത്തും. ഇതുവരെ തന്ന പിന്തുണ ഇനിയും ഉണ്ടാകണം എന്നും മഞ്ജു ലൈവ് വീഡിയോയിലൂടെ വ്യക്തമാക്കി. നടൻ റിയാസും ലൈവ് വീഡിയോയിലൂടെ എത്തി ഇടവേള എടുക്കുന്ന കാര്യവും പിന്തുണ ആവശ്യമുണ്ട് എന്നും വ്യക്തമാക്കി.