നടൻ പ്രഭുദേവ വിവാഹിതനായെന്ന അഭ്യൂഹങ്ങൾക്ക് വിരാമം. വാർത്ത ശരിയെന്ന് സ്ഥികരീച്ച് സഹോദരൻ രാജു സുന്ദരം രംഗത്ത് വന്നിരിക്കുകയാണ് . ഡോക്ടർ ഹിമാനിയെയാണ് എന്നാണ് പ്രഭുദേവ വിവാഹം ചെയ്തത് . മെയ് മാസത്തിൽ‍ ചെന്നൈയിൽ വച്ചായിരുന്നു വിവാഹം നടന്നത് . ലോക്ഡൗൺ ആയതുകൊണ്ട് ഇരുകുടുംബാംഗങ്ങൾ മാത്രമായിരുന്നു ചടങ്ങിൽ പങ്കെടുത്തതെന്നും അദ്ദേഹം പറഞ്ഞു. ചികിത്സയുടെ ഭാ​ഗമായാണ് പ്രഭുദേവ ഹിമാനിയുമായി പരിചയത്തിലായത് . തുടർച്ചയായി നൃത്തം ചെയ്യുന്നതുകൊണ്ട് പ്രഭുദേവയ്ക്ക് ശക്തമായ പുറം വേദന ഉണ്ട‌ായിരുന്നു. മുംബെെയിൽ ചികിത്സയുടെ ഭാ​ഗമായി എത്തിയപ്പോൾ ഹിമാനിയെ പരിചയപ്പെടുകയായിരുന്നു . സൗഹൃദം പിന്നീട് പ്രണയത്തിലേക്ക് വഴി മാറുകയും ചെയ്തു . തുടർന്ന് ഇവർ ഒരുമിച്ച് ജീവിക്കാൻ തീരുമാനമെടുക്കുകയായിരുന്നു.

ലോക്ഡൗൺ പ്രഖ്യാപിച്ചതോടെ മുംബെെയിൽ നിന്ന് ഇരുവരും ചെന്നൈയിലേക്ക് പോരുകയായിരുന്നു . രണ്ട് മാസത്തോളം ഒരുമിച്ച് ജീവിച്ചതിന് ശേഷമായിരുന്നു വിവാഹം നടന്നത് . ലോക്ഡൗൺ ഇളവുകൾ വന്നതോ‌‌ടെ ഇരുവരും കുടുംബാം​ഗങ്ങളെ സന്ദർശിച്ച് അനു​ഗ്രഹം തേടിയിരുന്നു . സഹോദരൻ വിവാഹിതനായതിൽ അതിയായ സന്തോഷമുണ്ടെന്നും രാജു സുന്ദരം കൂട്ടിച്ചേർത്തു.റംലത്തായിരുന്നു പ്രഭുദേവയുടെ ആ​ദ്യ ഭാര്യ. ഈ ബന്ധത്തിൽ മൂന്ന് മക്കളുമുണ്ട്. 2011ൽ ഇരുവരും വേർപിരിയുകയായിരുന്നു.