'തകരാറിലായ കിഡ്നികൾ! ഹൃദയത്തിനും പ്രശ്നങ്ങള്, ബിപി സ്ട്രോക്ക് വരാന് 70 ശതമാനം സാധ്യത, 30 ശതമാനം മരണ സാധ്യതവരെയുണ്ടായിരുന്നു...' റാണ ദഗുബാട്ടി മനസ്സ് തുറക്കുന്നു
ബാഹുബലി എന്ന സൂപ്പര്ഹിറ്റ് ചിത്രത്തിലൂടെ പ്രേക്ഷകശ്രദ്ധ നേടിയ റാണ ദഗുബാട്ടിക്ക് ആരോഗ്യപ്രശ്നങ്ങളുണ്ടോ എന്നതരത്തിൽ ആരാധകർ ചർച്ച ചെയ്തിരുന്നു. ബല്ലാലദേവയുടെ ഉരുക്കന് ശരീരത്തില് നിന്നും മെലിഞ്ഞ് ശോഷിച്ച രൂപത്തിലേക്കുള്ള നടന്റെ രൂപമാറ്റം കണ്ടാണ് ഈ സംശയം ആരാധകരിൽ ഉയർന്നത്. വൃക്ക സംബന്ധമായ അസുഖത്തെ തുടര്ന്ന് അമേരിക്കയില് ചികിത്സയിലാണെന്നും അഭ്യൂഹങ്ങളുണ്ടായിരുന്നു. എന്നാലിതാ ഇതിന് മറുപടിയുമായെത്തിയിരിക്കുകയാണ് താരം.
സാമന്ത അക്കിനേനി അവതരാകയാകുന്ന സാം ജാമിലാണ് റാണ തന്റെ ആരോഗ്യ പ്രശ്നങ്ങളെ കുറിച്ച് തുറന്നു പറഞ്ഞത്. സംവിധായകന് നാഗ അശ്വിനൊപ്പമാണ് റാണ പരിപാടിയില് പങ്കെടുത്തത്. കഴിഞ്ഞ ദിവസം പുറത്ത് വിട്ട അഭിമുഖത്തിന്റെ പ്രമോ ഇപ്പോള് സമൂഹ മാധ്യമങ്ങളില് വെെറലായി മാറിയിരിക്കുന്നു.
"ജീവിതം അതിവേഗതയില് ഓടിക്കൊണ്ടിരിക്കുന്നതിനിടയില് പെടന്ന് പോസ് ബട്ടണ് അമര്ത്തിയതു പോലെയായി. തകരാറിലായ കിഡ്നികളും ഹൃദയത്തിനും പ്രശ്നങ്ങള്, ബിപി സ്ട്രോക്ക് വരാന് 70 ശതമാനം സാധ്യത, 30 ശതമാനം മരണ സാധ്യതവരെയുണ്ടായിരുന്നു" എന്നാണ് റാണ തുറന്നു പറഞ്ഞത്. "ചുറ്റുമുള്ള ആളുകള് തകര്ന്നു കൊണ്ടിരിക്കുന്ന സമയത്ത് റാണ ഒരു പാറ പോലെ ഉറച്ചു നിന്നു. ഇത് ഞാന് എന്റെ കണ്മുന്നില് കണ്ടതാണ്. അതുകൊണ്ടാണ് എനിക്ക് നിങ്ങള് സൂപ്പര് ഹിറോ ആകുന്നത്" എന്ന് റാണയെ കുറിച്ച് സാമന്ത ഷോയിൽ പറയുകയുണ്ടായി. അസുഖത്തെ കുറിച്ചുള്ള റാണയുടെ വെളിപ്പെടുത്തല് കണ്ണീരോടെയാണ് ആരാധകരും സാമന്തയും കേട്ടിരുന്നത്.
https://www.facebook.com/Malayalivartha