നടനും സംവിധായകനുമായ നാദിര്‍ഷയുടെ മകളുടെ വിവാഹ നിശ്ചയം കഴിഞ്ഞു. നാദിര്‍ഷയുടെ മൂത്ത മകള്‍ ആയിഷയെ വിവാഹം ചെയ്യാനൊരുങ്ങുന്നത് പ്രമുഖ ബിസിനസുകാരനായ ലത്തീഫ് ഉപ്പളഗേറ്റിന്റെ മകന്‍ ബിലാലാണ്. നിശ്ചയ ചടങ്ങിന്റെ ചിത്രങ്ങള്‍ ഇപ്പോള്‍ പുറത്തു വന്നിരിക്കുകയാണ്.

ദിലീപും കാവ്യ മാധവനും മീനാക്ഷിയും ചടങ്ങില്‍ പങ്കെടുത്തതിന്റെ ചിത്രങ്ങളും പുറത്തുവന്നിട്ടുണ്ട്. 

നാദിര്‍ഷയുടെ രണ്ടുമക്കളില്‍ മൂത്തയാളാണ് ആയിഷ. ഷാഹിനയാണ് ഭാര്യ. ഇളയ മകള്‍ ഖദീജ. ദിലീപിന്റെ മകള്‍ മീനാക്ഷിയുടെ അടുത്ത കൂട്ടുകാരാണ് ആയിഷയും ഖദീജയും.

നടി നമിത പ്രമോദും ആയിഷയുടെ സുഹൃത്താണ്. മൂവരും ഒന്നിച്ചുള്ള ടിക് ടോക്ക് വീഡിയോകള്‍ സമൂഹമാധ്യമങ്ങളില്‍ ശ്രദ്ധ നേടിയിരുന്നു. നമിത കുറച്ചു ദിവസങ്ങള്‍ക്ക് മുമ്പ് പങ്കുവച്ച ചിത്രങ്ങള്‍ ശ്രദ്ധേയമായിരുന്നു. നമിതയെ അണിയിച്ചൊരുക്കിയത് ആയിഷയായിരുന്നു. 

നാദിര്‍ഷയും ദിലീപും അടുത്ത സുഹൃത്തുക്കളാണ്. നാദിർഷയുടെ സംവിധാനത്തിൽ ഒരുങ്ങിയ ചിത്രങ്ങളിൽ ദിലീപ് നായകനായി എത്തിയിരുന്നു. നാദിർഷയുടെ അടുത്ത ചിത്രം 'കേശു ഈ വീടിന്‍റെ നാഥനി'ല്‍ ദിലീപാണ് നായകന്‍.