കിഡ്നി സംബന്ധമായ അസുഖത്തെ തുടര്ന്ന് ചികിത്സയിലാണ്, സ്ഥിരമായി ഡയാലിസിസ് നടത്തേണ്ടതിനാല് വന്തുക ആവശ്യമായി വരുന്നുണ്ട്... സഹായം തേടി നടി അംബിക റാവു; അറിഞ്ഞയുടന് ഒരു ലക്ഷം രൂപ നല്കി ജോജു
നിരവധി സിനിമകളിലുടെ പ്രേക്ഷകരുടെ മനസില് ഇടം പിടിച്ച നടിയാണ് അംബിക റാവു. കിഡ്നി സംബന്ധമായ അസുഖത്തെ തുടര്ന്ന് ചികിത്സയിലാണ് നടിയിപ്പോള്. സ്ഥിരമായി ഡയാലിസിസ് നടത്തേണ്ടതിനാല് വന്തുക ആവശ്യമായി വരുന്നുണ്ടെന്ന് അറിയിച്ച് സഹായത്തിനായി നടിയുടെ സുഹൃത്തുക്കളടക്കം ഒട്ടനവധി പേര് രംഗത്തെത്തിയിരുന്നു. ഇപ്പോഴിതാ അംബികയ്ക്ക് സഹായമറിയിച്ച് എത്തിയിരിക്കുകയാണ് നടന് ജോജു ജോര്ജ്.
സംവിധായകന് സാജിദ് യഹിയയാണ് അംബികയുടെ കാര്യം ജോജുവിന്റെ ശ്രദ്ധയില്പ്പെടുത്തുന്നത്. നടിയുടെ ദുരവസ്ഥ തിരിച്ചറിഞ്ഞ താരം അത്യാവശ്യ സഹായങ്ങള്ക്കായി ഒരുലക്ഷം രൂപ അക്കൗണ്ടിലേയ്ക്ക് ഇടാമെന്ന് ഉറപ്പും നല്കി. നേരത്തെ അംബികയുടെ ചികിത്സക്കായി ഫെഫ്കയും സിനിമ മേഖലയില് നിന്നുള്ളവരും സഹായങ്ങള് നല്കിയിരുന്നു. പിന്നീട് ചികിത്സ മുന്നോട്ട് പോയെങ്കിലും വീണ്ടും സാമ്പത്തികം പ്രശ്നമായി. സഹോദരന് അജിയും സ്ട്രോക്ക് വന്ന് ആശുപത്രിയിലായതോടെയാണ് കൂടുതല് പ്രതിസന്ധിയിലായത്.
കുമ്പളങ്ങി നൈറ്റ്സില് ബേബി മോളുടെ അമ്മയായി ശ്രദ്ധനേടിയിരുന്നു അംബിക. മീശ മാധവന്, അനുരാഗ കരിക്കിന് വെള്ളം, വൈറസ് തുടങ്ങിയ സിനിമകളില് അഭിനയിച്ചിട്ടുണ്ട്. തൊമ്മനും മക്കളും, സാള്ട് ആന്ഡ് പെപ്പര്, രാജമാണിക്യം, വെള്ളിനക്ഷത്രം തുടങ്ങിയ സിനിമകളില് അസിസ്റ്റന്റ് ഡയറക്ടര് ആയും പ്രവര്ത്തിച്ചു.
https://www.facebook.com/Malayalivartha
