താന് എങ്ങനെയാണോ അങ്ങനെ തന്നെ... സിമ്ബിള് ലുക്കില് പ്രത്യക്ഷപ്പെടുന്നതിനെ കുറിച്ച് കനിഹ
മലയാളി പ്രേക്ഷകരുടെ പ്രിയപ്പെട്ട താരമാണ് കനിഹ. സോഷ്യല് മീഡിയയില് സജീവസാന്നിധ്യമാണ് കനിഹ. ശരീരത്തെ കുറിച്ചും സൈബര് ആക്രമണങ്ങളെ കുറിച്ചും നടി തുറന്ന് സംസാരിക്കാറുണ്ട്. ഇതെല്ലാം സമൂഹമാധ്യമങ്ങളില് വലിയ ചര്ച്ചയാകാറുമുണ്ട്. ഇപ്പോള് സോഷ്യല് മീഡിയയില് വൈറലാകുന്നത് കനിഹയുടെ ഇന്സ്റ്റഗ്രാം പോസ്റ്റാണ്. സിമ്ബിള് ലുക്കില് പ്രത്യക്ഷപ്പെടുന്നതിനെ കുറിച്ചായിരുന്നു നടിയുടെ പോസ്റ്റ്.മേക്കപ്പോ ബ്രാന്ഡഡ് ഡ്രാസ്സുകളെ ഇല്ലാതെ സാധാരണ വേഷത്തിലാണ് താരം സോഷ്യല് മീഡിയയില് പ്രത്യക്ഷപ്പെടാറുള്ളത്. ഇത് പലപ്പോഴും ആരാധകരുടെ ഇടയില് ചര്ച്ചയാകാറുമുണ്ട്. ഇപ്പോഴിത അതിനുള്ള മറുപടി നല്കുകയാണ് കനിഹ. താന് എങ്ങനെയാണോ അങ്ങനെ തന്നെ സോഷ്യല് മീഡിയയിലും കാണാനാണ് ആഗ്രഹിക്കുന്നതെന്നാണ് നടി പറയുന്നത്.
കനിഹയുടെ വാക്കുകള് ഇങ്ങനെ....യഥാര്ഥത്തില് എങ്ങനെയാണോ അങ്ങനെ തന്നെ മറ്റുള്ളവരുടെ മുന്നിലും പ്രത്യക്ഷപ്പെടാനാണ് താന് ആഗ്രഹിക്കുന്നതെന്നാണ് കനിഹ പറയുന്നത്. എല്ലാ കുറവുകളുമുള്ള തന്നെ അംഗീകരിച്ചു കൊണ്ട് സ്വയം മുന്നോട്ടു പോകുന്ന വ്യക്തിത്വമാണ് തന്റേതെന്നും അങ്ങനെ തന്നെയാവണം മറ്റുള്ളവരെന്നും നടി പറഞ്ഞു. തന്റേതല്ലാത്ത ഒരു മുഖം കാണിക്കേണ്ട കാര്യമില്ലെന്നും കനിഹ കൂട്ടിച്ചേര്ത്തു. യഥാര്ഥ മുഖം കണ്ട് അതു മറ്റുള്ളവര്ക്ക് പ്രചോദനമാകുന്നുണ്ടെങ്കില് അതാണ് സന്തോഷം പകരുന്ന കാര്യമെന്നും നടി പറഞ്ഞു. കനിഹയുടെ പോസ്റ്റ് സോഷ്യല് മീഡിയയില് വൈറലാണ്.
മമ്മൂട്ടി ചിത്രത്തിലെ സ്ഥിരം സാന്നിധ്യമാണ് കനിഹ. ജയറാം ചിത്രമായ ഭാഗ്യദേവതയിലൂടെയാണ് കനിഹ മലയാളികളുടെ പ്രിയങ്കരിയായി മാറുന്നത്. പിന്നീട് പഴശ്ശിരാജ, സ്പിരിറ്റ്, ബാവൂട്ടിയുടെ നാമത്തില് തുടങ്ങി നിരവധി സിനിമകളില് അഭിനയിച്ചു.
https://www.facebook.com/Malayalivartha