'ഇത്തരം ആൺകുട്ടികളോടൊപ്പം തിരശ്ശീല പങ്കിട്ടു എന്ന് പറയുന്നതാണ് എന്റെ ദേശീയ പുരസ്ക്കാരം...ഭീരുക്കളെപറ്റി പറഞ്ഞ് എന്റെയും നിങ്ങളുടെയും വിലപ്പെട്ട സമയം കളയുന്നില്ല...' ഡൽഹിയിൽ സമരം ചെയ്യുന്ന കര്‍ഷകര്‍ക്ക് പൂര്‍ണ്ണ പിന്തുണ പ്രഖ്യാപിച്ച്‌ രംഗത്തെത്തിയ കാര്‍ത്തിയെ പിന്തുണച്ച് ഹരീഷ് പേരടി
കഴിഞ്ഞ ദിവസമാണ് തമിഴ് നടനും നടൻ സൂര്യയുടെ സഹോദരനുമായ കാര്‍ത്തി കേന്ദ്ര സര്‍ക്കാരിന്‍റെ കാര്‍ഷിക നിയമത്തിനെതിരെ ഡൽഹിയിൽ സമരം ചെയ്യുന്ന കര്‍ഷകര്‍ക്ക് പൂര്‍ണ്ണ പിന്തുണ പ്രഖ്യാപിച്ചുകൊണ്ട്‌ രംഗത്തെത്തിയത്. 'നമുക്ക് അന്നം നൽകാൻ കഠിനമായി അധ്വാനിച്ച് ദിവസവും പണിയെടുക്കുന്നവര്‍, നമ്മളെ പോറ്റുന്ന കര്‍ഷകര്‍, അവര്‍ കൊടും തണുപ്പിലും കൊറോണ ഭീതിയിലും ഒരാഴ്ചയോളമായി ഡൽഹിയിലെ തെരുവില്‍ സമരം ചെയ്യുകയാണ്'- എന്ന് കാർത്തി ട്വിറ്ററിലൂടെ പറയുകയുണ്ടായി. എന്നാലിതാ കാർത്തിയുടെ ഈ നിലപാടിനെ പിന്തുണച്ച് രംഗത്തെത്തിയിരിക്കുകയാണ് നടൻ ഹരീഷ് പേരടി.
ഫേസ്ബുക്ക് കുറിപ്പ് ഇങ്ങനെ;
അഭിനയ ജീവിതത്തിലേക്ക് തിരിഞ്ഞ് നോക്കുമ്പോൾ ഇത്തരം ആൺകുട്ടികളോടൊപ്പം തിരശ്ശീല പങ്കിട്ടു എന്ന് പറയുന്നതാണ് എന്റെ ദേശീയ പുരസ്ക്കാരം...ഭീരുക്കളെപറ്റി പറഞ്ഞ് എന്റെയും നിങ്ങളുടെയും വിലപ്പെട്ട സമയം കളയുന്നില്ല..ഇനിയുള്ള കാലം നമുക്ക് കാർത്തിയെ പോലെയുള്ള ധീരൻമാരെ പറ്റി മാത്രം സംസാരിക്കാം...
https://www.facebook.com/Malayalivartha
