മറിമായം എന്ന പരമ്പരയിലൂടെ മലയാളീപ്രേക്ഷകരുടെ മനസിൽ ഇടം നേടിയ മണ്ഡോദരിയും ലോലനും ജീവിതത്തിലും ഒരുമിക്കുകയാണെന്നറിഞ്ഞപ്പോള്‍ ഏറെ സന്തോഷത്തോടെയാണ് ആരാധകർ ആ വാർത്ത ഏറ്റെടുത്തത്. സ്ക്രീനിലെ മികച്ച കെമിസ്ട്രി തന്നെയാണ് ജീവിതത്തിലും. അങ്ങനെ വിവാഹ ശേഷമുള്ള വിശേഷങ്ങള്‍ പങ്കുവെച്ചും ഇവർ എത്താറുണ്ട്. ചക്കപ്പഴമെന്ന പരമ്പരയിലൂടെയാണ് പ്രേക്ഷകർക്ക് മുന്നിൽ ശ്രീകുമാര്‍ എത്തിയത്. ഉത്തമൻ എന്ന കഥാപാത്രമായുള്ള വരവിന് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്. നർമരസമുള്ള എപ്പിസോഡുകളുമായാണ് ചക്കപ്പഴം എന്ന പരമ്പര മുന്നേറുന്നത്.

മാത്രമല്ല വിവാഹ ശേഷവും സ്‌നേഹ അഭിനയത്തില്‍ സജീവമാണ്. മറിമായത്തില്‍ നിന്നും ശ്രീകുമാര്‍ പിന്‍വാങ്ങിയെങ്കിലും സ്‌നേഹ ഇപ്പോഴും സജീവമാണ്. മറിമായം ചിത്രീകരണത്തിനിടയിലെ വിശേഷങ്ങളെക്കുറിച്ച് പറഞ്ഞ് താരമെത്താറുണ്ട്. ഉപ്പും മുളകില്‍ നിന്നും മറിമായത്തില്‍ നിന്നും പിന്‍വാങ്ങാനുള്ള കാരണത്തെക്കുറിച്ച് പറഞ്ഞ് ശ്രീകുമാറും എത്തിയിരുന്നു.

ഇപ്പോഴിതാ ഇരുവരും അടുത്തിടെ നടത്തിയ മൂന്നാര്‍ യാത്രയ്ക്കിടയിലെ ചിത്രങ്ങളാണ് സമൂഹമാധ്യമങ്ങളിൽ വൈറലാകുന്നത്. ശ്രീകുമാറിന്റെ നെഞ്ചോട് ചേര്‍ന്നുള്ള സ്‌നേഹയുടെ ചിത്രം ഇതിനകം തന്നെ പ്രേക്ഷകർ ഏറ്റെടുത്തുകഴിഞ്ഞു. സ്നേഹ തന്റെ ഇൻസ്റ്റഗ്രാമിലൂടെയാണ് ചിത്രങ്ങൾ പങ്കുവച്ചത്. നിമിഷനേരം കൊണ്ടായിരുന്നു ചിത്രം വൈറലായി മാറിയത്. ചേച്ചിയും ചേട്ടനും കിടുക്കിയെന്നുള്ള കമന്റുകളുമായും ആരാധകരെത്തിയിരുന്നു. മോഡേണ്‍ ലുക്കിലുള്ള ചിത്രങ്ങളും സ്‌നേഹ പോസ്റ്റ് ചെയ്തിരുന്നു. താരങ്ങളും ആരാധകരും സ്‌നേഹയുടെ ലുക്കിന് കൈയ്യടികളുമായെത്തിയിരുന്നു.