തമിഴ് സീരിയൽ താരം വി.ജെ.ചിത്രയുടെ മരണവുമായി ബന്ധപ്പെട്ട് ഭർത്താവ് ഹേമന്ദ് അറസ്റ്റിലായതോടെ പുറത്ത് വരുന്ന വിവരങ്ങളാണ് ആരാധകരെ ഞെട്ടിച്ചിരിക്കുന്നത്. ചിത്ര ജീവനൊടുക്കുന്നതിന് പ്രതിശ്രുത വരന്‍ ഹേംനാഥിന്റെ സംശയ രോഗവും കാരണമായതായി പൊലീസ്. സഹ നടന്മാരുമൊത്ത് അഭിനയിക്കുന്നതിന്റെയും സംസാരിക്കുന്നതിന്റെയും പേരില്‍ ഹേംനാഥ് ചിത്രയോടു വഴക്കിട്ടിരുന്നു. അഭിനയം നിര്‍ത്തണമെന്നും ആവശ്യപ്പെട്ടു.

ജീവനൊടുക്കിയ ദിവസവും വഴക്കുണ്ടായി. 'നീ തൂങ്ങിച്ചാകൂ' എന്നു പറഞ്ഞാണു താന്‍ മുറിയില്‍ നിന്ന് ഇറങ്ങിയതെന്ന് ഹേംനാഥ് പൊലീസിനോട് സമ്മതിച്ചു. ആത്മഹത്യാപ്രേരണ കുറ്റം ചുമത്തി അറസ്റ്റ് ചെയ്ത ഇയാളെ 14 ദിവസത്തേക്കു ജുഡീഷ്യല്‍ കസ്റ്റഡിയില്‍ വിട്ടു.