പാടാത്ത പൈങ്കിളി എന്ന സീരിയലിലൂടെ മലയാളികളുടെ ഹൃദയം കീഴടക്കിയ താരമാണ് സൂരജ്. ദേവ എന്ന കഥാപാത്രമായി എത്തി പ്രേക്ഷകരുടെ ഇഷ്ട താരമായി മാറാൻ ചുരുങ്ങിയ സമയം കൊണ്ടു തന്നെ താരത്തിന് കഴിഞ്ഞു. സമൂഹമാധ്യമങ്ങളിൽ നിറസാന്നിധ്യമാണ് താരം. ആയതിനാൽ തന്നെ സൂരജ് പങ്കുവയ്ക്കുന്നതെല്ലാം തന്നെ പ്രേക്ഷകർ ഇരുകയ്യും നീട്ടി സ്വീകരിക്കാറുണ്ട്. ഇപ്പോഴിതാ കരിയറിലെ ഒരു സസ്പെൻസ് വിശേഷം പങ്കുവച്ചുകൊണ്ട് രംഗത്ത് എത്തിയിരിക്കുകയാണ് സൂരജ്. നടി ഉർവ്വശിയുടെ ഒപ്പമുള്ള ചിത്രം പങ്കുവെച്ചുകൊണ്ട് ഒരു സസ്പെൻസുണ്ട് എന്നാണ് സൂരജ് ആരാധകരോട് താരം അറിയിക്കുന്നത്. മാത്രമല്ല വലിയ സർപ്രൈസാണെന്നും ചിത്രത്തോടൊപ്പം സൂരജ് കുറിക്കുന്നു.

പങ്കുവച്ച് നിമിഷങ്ങൾക്കകം തന്നെ ചിത്രം ആരാധകർ ഏറ്റെടുത്തു കഴിഞ്ഞു. പുതിയ സിനിമയാണോ അതോ സീരിയലിലെ സസ്പെൻസാണോ എന്നെല്ലാമുള്ള ചോദ്യങ്ങളുമായാണ് പ്രേക്ഷകർ ദേവയ്ക്ക് മുമ്പിലെത്തുന്നത്. എന്നാൽ ഇതിന് താരം ഇതുവരെ മറുപടി നൽകിയിട്ടില്ല.അതോടൊപ്പം തന്നെ പരമ്പരയിൽ ദേവയായി എത്തിയ സൂരജ് സോഷ്യൽ മീഡിയയിൽ നിറസാന്നിധ്യമാണ്. സൂരജിൻ്റെ വിശേഷങ്ങൾ വലിയ ആവേശത്തോടെയാണ് ആരാധകർ ഏറ്റെടുക്കാറുള്ളത്. ചുരുങ്ങിയ സമയം കൊണ്ട് പ്രേക്ഷക പ്രിയം നേടിയ പരമ്പര പാടാത്ത പൈങ്കിളി വ്യത്യസ്തമായ കഥയാണ് പറയുന്നത്.