നാല് വർഷം മുൻപായിരുന്നു അർച്ചന കവിയുടെയും അബീഷ് മാത്യുവും തമ്മിലുള്ള വിവാഹം. നീലത്താമര എന്ന ലാൽജോസ് ചിത്രത്തിലൂടെ മലയാളികൾക്ക് സുപരിചിതയായ നടി വിവാഹശേഷം അഭിനയത്തോട് ബ്രേക്ക്‌ പറഞ്ഞ അർച്ചന പിന്നീട് തന്റെ യൂട്യൂബ് ചാനലുമായി രംഗത്ത് വന്നിരുന്നു.സോഷ്യൽ മീഡിയയിലും സജീവമാണ് താരം. പ്രശസ്ത കൊമേഡിയൻ ആയ അബീഷ് മാത്യുവും തമ്മിലുള്ള വിവാഹം 2016ലാണ് നടന്നത്. എഐബി യിലെ കോമഡി വിഡിയോകൾ ഇറക്കുന്ന ഒരേ ഒരു മലയാളിയാണ് അബീഷ്.

താരത്തിന്റെ യൂട്യൂബ് വിഡിയോകളിലും അബീഷ് നിറസാന്നിധ്യമായിരുന്നു. എന്നാൽ ഇപ്പോൾ അർച്ചനയും അബീഷും ബന്ധം വേർപിരിയുകയാണ് എന്ന വാർത്തകളാണ് പുറത്തു വരുന്നത്. ഈയിടെയായി അർച്ചനയുടെ ഒരു വിശേഷങ്ങളിലും അബീഷിന്റെ സാന്നിധ്യം ഇല്ല എന്നുള്ളത് വേർപിരിയുന്നു എന്ന വാർത്തയുടെ ആക്കം കൂട്ടുന്നു.

അർച്ചനയുടെ വീഡിയോയ്ക്ക് ഇത് സത്യമാണോ എന്ന് ചോദിച്ചുകൊണ്ട് നിരവധി ആരാധകരാണ് കമന്റ് ചെയ്തിട്ടുള്ളത്. ഇനി എന്തായാലും താരം തന്നെ സത്യാവസ്ഥ പുറത്ത് വിടട്ടെയെന്ന നിഗമനത്തിലാണ് ആരാധകരും.