തീയറ്ററുകള് പൂര്വ്വ സ്ഥിതിയില് പ്രവര്ത്തിച്ചു തുടങ്ങിയെങ്കില് മാത്രമേ ഈ വ്യവസായം മുന്നോട്ട് കൊണ്ട് പോകാനും ഇതിനെ ആശ്രയിച്ചു ജീവിക്കുന്ന കുടുംബങ്ങളുടെ പട്ടിണി മാറ്റാനും സാധിക്കുകയുള്ളു.... വിമര്ശനവുമായി ഉണ്ണി മുകുന്ദന്
സംസ്ഥാനത്ത് പൊതുഗതാഗത സംവിധാനങ്ങളും ബാറുകളും തുറന്നു പ്രവര്ത്തിച്ചിട്ടും സിനിമ തിയറ്ററുകള് തുറന്നു പ്രവര്ത്തിക്കാത്തതില് വിമര്ശനവുമായി നടന് ഉണ്ണി മുകുന്ദന്. ഇന്സ്റ്റഗ്രാം പോസ്റ്റിലാണ് നടന് പ്രതിഷേധം അറിയിച്ചത്.
സിനിമയും ഒരു തൊഴിലാണെന്നും സിനിമ മേഖലയിലെ ആര്ട്ടിസ്റ്റുകള്, ടെക്നിഷ്യന്സ്, പ്രൊഡക്ഷന് രംഗത്തെ തൊഴിലാളികള്, തിയറ്റര് ഉടമകള്, തൊഴിലാളികള്, എന്നിങ്ങനെ ഈ വ്യവസായത്തെ ആശ്രയിച്ചു ജീവിക്കുന്ന 1000 കണക്കിന് ആളുകളും അവരുടെ കുടുംബങ്ങളും ഇന്നും ജീവിതമാര്ഗ്ഗം വഴിമുട്ടി നില്ക്കുകയാണെന്നും ഉണ്ണി മുകുന്ദന് പറഞ്ഞു. ആളൊഴിഞ്ഞ തിയറ്ററിന്റെ ചിത്രം പങ്കുവച്ചാണ് ഉണ്ണി മുകുന്ദന് ഇക്കാര്യങ്ങള് കുറിച്ചത്.
ഉണ്ണി മുകുന്ദന് ഇന്സ്റ്റഗ്രാമില് കുറിച്ചത് ഇങ്ങനെ...
'സിനിമയും ഒരു തൊഴിലാണ് !!
കോവിഡ് എന്ന മഹാമാരി അപ്രതീക്ഷിതമായി കടന്ന് വന്ന് നമ്മുടെ എല്ലാം ജീവിതം തന്നെ താറുമാറാക്കിയിട്ട് ഒരു
വര്ഷത്തോളമാകുന്നു. കോവിഡ്-19 എന്ന വൈറസ് കാരണം നമ്മുടെ ജീവിത ശൈലി തന്നെ മാറ്റിമറിക്കപ്പെട്ടു. എന്നാല് നാമിന്ന് ഏറെക്കുറെ അതിനോട് പൊരുത്തപ്പെട്ടു കഴിഞ്ഞിരിക്കുന്നു. നിരവധി വാക്സിന് പരീക്ഷണങ്ങള് അവസാന ഘട്ടത്തിലാണെന്നാണ് അറിയാന് കഴിയുന്നത്.
എത്രയും വേഗം ഈ മഹാമാരിയ്ക്ക് ഒരു പര്യവസാനം ഉണ്ടാകുമെന്ന് പ്രത്യാശിക്കാം. ഈ സമയത്ത് പ്രസക്തമെന്ന്
തോന്നിയ ഒരു വിഷയം പറയാന് ആഗ്രഹിക്കുന്നു. ഘട്ടം ഘട്ടമായി ആണെങ്കിലും ഒട്ടുമിക്ക വ്യവസായങ്ങളും സേവന സ്ഥാപനങ്ങളും പൊതു ഗതാഗത സംവിധാനങ്ങളുമടക്കം പൂര്വ്വ സ്ഥിതിയിലെത്തിയെങ്കിലും ഇന്നും പ്രതിസന്ധിയില് നില്ക്കുന്ന ഒരു വ്യവസായമാണ് സിനിമ. സിനിമ ചിത്രീകരണങ്ങള് പരിമിതിയോടെ പുനരാംഭിച്ചുവെങ്കിലും തീയറ്ററുകള് തുറക്കാന് സാധിക്കാനാത്തതിനാല് കൊറോണയ്ക്ക് മുന്പ് ചിത്രീകരണം ആരംഭിച്ചതുള്പ്പടെ 80 ലേറെ ചിത്രങ്ങളാണ് മലയാളത്തില് മാത്രം ഈ പ്രതിസന്ധി നേരിടുന്നത്.
സിനിമ മേഖലയിലെ ആര്ട്ടിസ്റ്റുകള്, ടെക്നിഷ്യന്സ്, പ്രൊഡക്ഷന് രംഗത്തെ തൊഴിലാളികള്, തീയറ്റര് ഉടമകള്,
തൊഴിലാളികള്, എന്നിങ്ങനെ ഈ വ്യവസായത്തെ ആശ്രയിച്ചു ജീവിക്കുന്ന 1000 കണക്കിന് ആളുകളും അവരുടെ
കുടുംബങ്ങളും ഇന്നും ജീവിതമാര്ഗ്ഗം വഴിമുട്ടി നില്ക്കുകയാണ്. തീയറ്ററുകള് പൂര്വ്വ സ്ഥിതിയില് പ്രവര്ത്തിച്ചു
തുടങ്ങിയെങ്കില് മാത്രമേ ഈ വ്യവസായം മുന്നോട്ട് കൊണ്ട് പോകാനും ഇതിനെ ആശ്രയിച്ചു ജീവിക്കുന്ന
കുടുംബങ്ങളുടെ പട്ടിണി മാറ്റാനും സാധിക്കുകയുള്ളു. പൊതുഗതാഗത സംവിധാനങ്ങളും ബാറുകളും അടക്കം തുറന്ന് പ്രവര്ത്തിച്ചു തുടങ്ങിയ സ്ഥിതിയ്ക്ക് കോടിക്കണക്കിനു രൂപ സര്ക്കാരുകള്ക്ക് ടാക്സ് ഇനത്തില് വര്ഷം തോറും നല്കുന്ന സിനിമ വ്യവസായത്തിന് കൂടി മുന്നോട്ട് പോകാനുള്ള ഇളവുകള് അനുവദിച്ച് തീയറ്ററുകള് തുറക്കാനുള്ള അനുമതി അധികാരപ്പെട്ടവരുടെ ഭാഗത്ത് നിന്ന് അനുഭാവപൂര്വ്വം ഉണ്ടാകണമെന്ന് പ്രത്യാശിക്കുന്നു.'
തീയറ്ററുകള് പൂര്വ്വ സ്ഥിതിയില് പ്രവര്ത്തിച്ചു തുടങ്ങിയെങ്കില് മാത്രമേ ഈ വ്യവസായം മുന്നോട്ട് കൊണ്ട് പോകാനും ഇതിനെ ആശ്രയിച്ചു ജീവിക്കുന്ന കുടുംബങ്ങളുടെ പട്ടിണി മാറ്റാനും സാധിക്കുകയുള്ളുവെന്നും കുറിപ്പില് വ്യക്തമാക്കുന്നു.
https://www.facebook.com/Malayalivartha
