പിറന്നാള് ആശംസകള് പപ്പാ.. ഞാന് അങ്ങയെ ഒരുപാട് സ്നേഹിക്കുന്നു, മിസ് യൂ.. മലയാളികളുടെ പ്രിയ സിനിമാതാരം നടന് ജഗതി ശ്രീകുമാറിന്റെ സപ്തതി ആഘോഷത്തിന് ആശംസകളുമായി മകള് ശ്രീലക്ഷ്മി
മലയാളികളുടെ പ്രിയ സിനിമാതാരം നടന് ജഗതി ശ്രീകുമാറിന് ഇന്ന് എഴുപതാം പിറന്നാളാണ്. അച്ഛന്റെ പിറന്നാള് ദിനത്തില് ആശംസകളുമായി എത്തിയ മകള് ശ്രീലക്ഷ്മിയുടെ പോസ്റ്റ് ഏറ്റെടുത്തിരിക്കുകയാണ് സോഷ്യൽമീഡിയ. ജഗതിക്കൊപ്പമുള്ള ചിത്രം പങ്കുവച്ചാണ് ശ്രീലക്ഷ്മിയുടെ പോസ്റ്റ്. പിറന്നാള് ആശംസകള് പപ്പാ.. ഞാന് അങ്ങയെ ഒരുപാട് സ്നേഹിക്കുന്നു, മിസ് യൂ.. ശ്രീലക്ഷ്മി കുറിച്ചു. ജഗതി ശ്രീകുമാര്-കല ദമ്പതികളുടെ മകളാണ് ശ്രീലക്ഷ്മി. അവതാരകയായി തിളങ്ങിയ ശ്രീലക്ഷ്മി ഒട്ടേറെ മലയാള ചലച്ചിത്രങ്ങളില് വേഷമിട്ടിട്ടുണ്ട്.
കൂടാതെ ജഗതി ശ്രീകുമാറിന് ജന്മദിന ആശംസകള് നേര്ന്ന് മോഹന്ലാലും മമ്മൂട്ടിയും രംഗത്ത് എത്തി. എന്നും മലയാള സിനിമ ഓര്ക്കുന്ന കഥാപാത്രങ്ങളാണ് ജഗതിയുടേത്. അമ്പിളിചേട്ടന് ഹൃദയം നിറഞ്ഞ ജന്മദിനാശംസകള് എന്നാണ് മോഹന്ലാല് എഴുതിയിരിക്കുന്നത്. ജഗതി ശ്രീകുമാറിന് ജന്മദിന ആശംസകള് എന്ന് മമ്മൂട്ടിയും എഴുതിയിരിക്കുന്നു. മോഹന്ലാലും മമ്മൂട്ടിയും ജഗതി ശ്രീകുമാറിന്റെ ഫോട്ടോകളും ഷെയര് ചെയ്തിട്ടുണ്ട്.
ജഗതി ശ്രീകുമാറിന് ഒട്ടേറെ പേരാണ് ആശംസകള് നേരുന്നത്. ജഗതിയില്ലാത്ത മലയാള സിനിമ ഓര്ക്കാന് പോലും കഴിയാത്ത ഒന്നായിരുന്നു. ജഗതിയുടെ ചിരി എന്നും മലയാള സിനിമയില് നിറഞ്ഞുനില്ക്കുന്നു. ജഗതി ശ്രീകുമാര് 2012ല് വാഹനാപകടത്തില് പരുക്കേറ്റതിനെ തുടര്ന്നാണ് വിശ്രമ ജീവിതത്തിലേക്ക് മാറിയത്.
https://www.facebook.com/Malayalivartha
