കുറച്ച് ദിവസങ്ങളായി സോഷ്യൽമീഡിയയിൽ വൈറലായിരിക്കുകയാണ് മമ്മൂട്ടിയുടെ ചിത്രം. 70 വയസ്സിന് അടുത്തു പ്രായമായെങ്കിലും ഇപ്പോഴും യുവാക്കളെ പോലും വെല്ലുന്ന ഫാഷൻ സങ്കൽപ്പങ്ങളാണ് മമ്മൂട്ടിക്ക് ഉള്ളത്.

താടിയും മുടിയും വളർത്തി സ്റ്റൈലിഷ് ലുക്കിൽ എത്തിയ താരത്തിന്റെ കൈയിൽ കെട്ടിയിരുന്ന വാച്ചാണ് ആരാധകർ ഇപ്പോൾ ഏറ്റെടുത്തിരിക്കുന്നത്. എന്നാൽ ആ വാച്ചിൻ്റെ വില കേട്ടവരെല്ലാം ഞെട്ടിയിരിക്കുകയാണ്. 50 ലക്ഷം രൂപയാണ് വാച്ചിന് വില എന്നാണ് ഗൂഗിൾ പറയുന്നത്.

ആഡംബര വാച്ചുകൾ മാത്രം വിൽക്കുന്ന ഇതോസ് എന്ന ബ്രാൻഡഡ് വാച്ച് ആണ് ഇത്. ഇവരുടെ സൈറ്റിൽ നിന്നും ആണ് ഈ വാച്ചിൻ്റെ യഥാർത്ഥ വില മലയാളികൾ അറിഞ്ഞത്. കൃത്യമായി പറഞ്ഞാൽ 50 ലക്ഷത്തി 57,000 രൂപയാണ് ഈ വാച്ചിൻ്റെ വില. ഒരു ശരാശരി മലയാളിക്ക് ഒരു സ്വപ്നം കാണാവുന്നതിലും അപ്പുറമാണ് ഈ വാച്ചിന് വില.

ഒരു ശരാശരി മലയാളിയുടെ മാസ വരുമാനം എന്നത് 25000 രൂപ ആയി കണക്കാക്കിയാൽ പോലും ഈ വാച്ച് സ്വന്തമാക്കുവാൻ കുറഞ്ഞത് 16 വർഷമെങ്കിലും പണിയെടുക്കേണ്ടി വരും.

എന്തായാലും മമ്മൂട്ടിയുടെ പുതിയ ലുക്ക് പോലെ തന്നെ ഈ വാച്ചും ട്രെൻഡ് ആയി ഇരിക്കുകയാണ്. അമൽ നീരദ് സംവിധാനം ചെയ്യുന്ന ഏറ്റവും പുതിയ ചിത്രത്തിന് വേണ്ടിയാണ് മമ്മൂട്ടി പുതിയ ലുക്ക് സ്വീകരിച്ചിരിക്കുന്നത് എന്നാണ് ലഭിക്കുന്ന റിപ്പോർട്ടുകൾ.