ബിഗ് ബോസ് സീസണ് 3 പ്രഖ്യാപിച്ച് മോഹന്ലാല്; സീസണ് 3യിലേക്ക് രശ്മി നായര് മുതല് ബോബി ചെമ്മണ്ണൂര് വരെ നിരവധി പേരുകളാണ് ആരാധകര് ഉയര്ത്തുന്നത്
ബിഗ് ബോസിന്റെ രണ്ടാമത്തെ സീസണ് അവസാനിച്ച് ഒരു വര്ഷം പൂര്ത്തിയാകുമ്ബോള് ബിഗ് ബോസ് സീസണ് 3 എത്തുന്നുവെന്ന് പ്രഖ്യാപിച്ച് മോഹന്ലാല്. സ്റ്റാര് സിംഗര് സീസണ് 8ന്റെ വേദിയില് ടൊവിനോ തോമസ് ആണ് ബിഗ് ബോസ് മൂന്നാം സീസണിന്റെ ലോഗോ പുറത്തിറക്കിയത്.
ചെന്നൈ ഇവിപി ഫിലിം സിറ്റിയില് ഒരുക്കിയ സെറ്റിലായിരുന്നു ബിഗ് ബോസിന്റെ രണ്ടാം സീസണ് ചിത്രീകരിച്ചിരുന്നത്. എന്നാല് കോവിഡിന്റെ പശ്ചാത്തലത്തില് ഷോ പൂര്ത്തിയാക്കാനാവാതെ മത്സരാര്ത്ഥികളെ തിരിച്ചയക്കുകയായിരുന്നു. നിലവില് സീസണ് 3യിലേക്കുള്ള മത്സരാര്ത്ഥികളുടെ തിരഞ്ഞെടുപ്പ് അവസാന ഘട്ടത്തിലാണ്. രശ്മി നായര് മുതല് ബോബി ചെമ്മണ്ണൂരിന്റെ പേരുകള് വരെ ഇത്തവണത്തെ സീസണില് ഉയര്ന്നു കേള്ക്കുന്നുണ്ട്. ആരാധകരും ചില പേരുകള് ഉയര്ത്തുന്നുണ്ട്. ട്രാന്സ്ജെന്ഡര് സീമ വിനീത്, അര്ച്ചന കവി, ഗോവിന്ദ് പദ്മസൂര്യ, കനി കുസൃതി, അനാര്ക്കലി മരക്കാര് തുടങ്ങി നിരവധി പേരുകളാണ് ആരാധകര് ഉയര്ത്തുന്നത്.
https://www.facebook.com/Malayalivartha
