അമ്മ മരിച്ചതോടെ ഈ വാക്കുകളാണ് എപ്പോഴും എന്റെ മനസ്സില് ഉള്ളത്.. അമ്മ ജീവിച്ചപ്പോള് ആഗ്രഹം നടത്താന് സാധിച്ചില്ല, ഇനി എന്ത് നേടിയാലും ആ വിഷമം മാറില്ല... അനുവിനെ കുറിച്ചും തന്റെ കുടുംബത്തെക്കുറിച്ചും തുറന്നു പറഞ്ഞ് തങ്കച്ചന് വിതുര
കോമഡി വേദികളിലൂടെ മിനിസ്ക്രീന് പ്രേക്ഷകര്ക്ക് ഏറെ പരിചിതനായ താരമാണ് തങ്കച്ചന് വിതുര. ജനപ്രിയ കോമഡി പരിപാടിയായ സ്റ്റാര് മാജിക്കില് സജീവമായ തങ്കച്ചന്റെ കുടുംബജീവിതത്തെക്കുറിച്ചു തുറന്നു പറഞ്ഞ വാക്കുകള് വൈറല്.
ജീവിതത്തിലെ ഏറ്റവും വലിയ സങ്കടത്തിലൂടെയാണ് തങ്കച്ചന് ഇപ്പോള് കടന്നു പോകുന്നത്. അമ്മ വേര്പാടിനെക്കുറിച്ചു വികാരഭരിതനായി താരം പറഞ്ഞു. 'ഡിസംബര് 18നാണ് അമ്മ മരിക്കുന്നത്.മരിക്കുമ്ബോഴും അമ്മയ്ക്ക് ഒരു വിഷമം മാത്രമായിരുന്നു ബാക്കി, തന്റെ വിവാഹം.കുടുംബത്തില് താന് മാത്രമാണ് അവിവാഹിതനായി തുടരുന്നത്.
സഹോദരന്മാര് എല്ലാം വിവാഹിതരായി അമ്മയുടെ ഭാഷയില് പറഞ്ഞാല് ഒറ്റത്തടി.വിവാഹ മനപ്പൂര്വ്വം വേണ്ടെന്നുവെച്ചത് അല്ല എന്തോ ഒത്തുവന്നില്ല.ആ വലിയ ആഗ്രഹം ബാക്കിവെച്ചാണ് അമ്മ പോയത്.അതിന് അപ്പുറം ഒരു സങ്കടം എന്റെ ജീവിതത്തില് ഇല്ല.
അമ്മ എപ്പോഴും എന്റെ കല്യാണത്തെക്കുറിച്ച് പറയുമായിരുന്നു.അസുഖം ആയശേഷം മരുന്നു എടുത്തു കൊടുക്കുമ്ബോള് എനിക്ക് മരുന്നൊന്നും വേണ്ട,നീ എവിടെ നിന്നെങ്കിലും ഒരു പെണ്കൊച്ചിനെ വിളിച്ചോണ്ട് വാ എന്നാണ് പറയാറുള്ളത്. അമ്മ മരിച്ചതോടെ ഈ വാക്കുകളാണ് എപ്പോഴും എന്റെ മനസ്സില് ഉള്ളത്.
അമ്മ ജീവിച്ചപ്പോള് ആഗ്രഹം നടത്താന് സാധിച്ചില്ല, ഇനി എന്ത് നേടിയാലും ആ വിഷമം മാറില്ല.75 വയസ്സായിരുന്നു അമ്മയ്ക്ക്.പത്തുവര്ഷമായി ഹൃദ്രോഗി ആണ്.പെട്ടെന്ന് വയ്യാതെയായി. താന് കണ്ണൂരില് ഒരു പടത്തിന്റെ ലൊക്കേഷനില് നില്ക്കുമ്ബോഴാണ് പെങ്ങള് വിളിച്ചത്. ആശുപത്രിയില് എത്തുമ്ബോഴേക്കും ലിവറിനെ ചില ഗുരുതരമായ പ്രശ്നങ്ങള്, ആര്സിസിയില് അഡ്മിറ്റായി.
രണ്ടുദിവസം കഴിഞ്ഞ് അമ്മ പോയി.മരിക്കുന്നതിനു മുന്പ് സുഹൃത്തുക്കള് സംഘടിപ്പിച്ച തന്റെ പിറന്നാള് ആഘോഷത്തില് എന്റെ അമ്മയ്ക്ക് പങ്കെടുക്കാനായി.' താരം പറഞ്ഞു.
ഇതിനൊപ്പം ടെലിവിഷന് ഷോയിലെ പ്രണയ ജോഡിയായ അനുവിനെക്കുറിച്ചും താരം പങ്കുവച്ചു. 'അനുവും ആയിട്ടുള്ള തമാശകളൊക്കെ വെറും തമാശകള് മാത്രമാണ്.അതൊരു പാവം കൊച്ചാണ് എന്റെ അനിയത്തിയാണ് ഒരേ നാട്ടുകാരാണ്.ബാക്കിയൊക്കെ ഫ്ലോറില് തമാശയ്ക്ക് വേണ്ടി ചെയ്യുന്നതാണ്' തങ്കച്ചന് പറഞ്ഞു.
https://www.facebook.com/Malayalivartha
