വ്യാജ വാര്‍ത്തയ്‌ക്കെതിരെ കൊവിഡ് നെഗറ്റീവ് ഫലം ഉള്‍പ്പെടെ പങ്കുവെച്ചുകൊണ്ട് ലെന
തനിക്ക് കൊവിഡ് ആണെന്ന തരത്തില്‍ പ്രചരിച്ച വ്യാജ വാര്‍ത്തകള്‍ക്കെതിരെ പ്രതികരിച്ച് നടി ലെന. ഇന്‍സ്റ്റഗ്രാം പോസ്റ്റിലാണ് തന്റെ കൊവിഡ് നെഗറ്റീവ് ഫലം ഉള്‍പ്പെടെ പങ്കുവെച്ചുകൊണ്ട് ലെന വിശദീകരണ കുറിപ്പ് പങ്കുവെച്ചിരിക്കുന്നത്. തനിക്ക് കൊവിഡ് പോസിറ്റീവാണെന്നും ബെംഗളുരുവില്‍ ചികിത്സയിലാണെന്നും പ്രചരിക്കുന്ന വാര്‍ത്ത വ്യാജമാണെന്നും ലെന കുറിച്ചിരിക്കുന്നു. എനിക്ക് കൊവിഡ് പോസിറ്റീവാണെന്നും ബെംഗളുരുവില്‍ ആശുപത്രിയില്‍ പ്രവേശിപ്പിച്ചുവെന്നും സോഷ്യല്‍മീഡിയയിലും വിവിധ മാധ്യമങ്ങളിലും വാര്‍ത്തകള്‍ പ്രചരിക്കുന്നുണ്ട്. ഇത് തികച്ചും വ്യാജമാണ്. കൊവിഡ് നെഗറ്റീവ് ആര്‍!ടിപിസിആര്‍ ഫലവുമായാണ് ഞാന്‍ യുകെയില്‍ നിന്ന് വന്നത്.
ഇപ്പോഴുള്ള കൊവിഡ് പ്രോട്ടോക്കളിന്റെ ഭാഗമായി യുകെയില്‍ നിന്ന് വന്നതിനാല്‍ ജിനോം സീക്വന്‍സിങ് ടെസ്റ്റ് ഫലം ലഭിക്കാന്‍ കാത്തിരിക്കുകയാണ്. അതിനാല്‍ ബെംഗളുരുവില്‍ സര്‍ക്കാര്‍ ആശുപത്രിയില്‍ ക്വാറന്റൈനിലാണ്. തെറ്റായ വാര്‍ത്ത പങ്കുവയ്ക്കരുത്. ഇവിടെ ഞാന്‍ സുരക്ഷിതയാണ്. പ്രാര്‍ത്ഥനയ്ക്കും അന്വേഷണങ്ങള്‍ക്കും നന്ദി', ലെന കുറിച്ചിരിക്കുകയാണ്.
https://www.facebook.com/Malayalivartha
