വീട്ടിലെ പുതിയ അതിഥിയെ പരിചയപ്പെടുത്തി അനുശ്രീ
നടി അനുശ്രീ സോഷ്യല് മീഡിയയില് പങ്കുവെക്കുന്ന വിശേഷങ്ങളൊക്കെ വളരെ പെട്ടെന്ന് തന്നെ വൈറലാകാറുണ്ട്. ഇപ്പോള് വീട്ടിലേക്ക് ഒരു പുതിയ അതിഥി കൂടി എത്തിയ സന്തോഷം പങ്കുവെച്ചിരിക്കുകയാണ് താരം. സഹോദരന് അനൂപിനും ഭാര്യ ആതിരയ്ക്കും ആണ് കുഞ്ഞ് പിറന്ന സന്തോഷം പങ്കുവയ്ക്കുകയാണ് അനുശ്രീ. അനന്തനാരായണന് എന്ന് പേരിട്ടിരിക്കുന്ന കുഞ്ഞിനെ ആദി എന്നാണ് വീട്ടില് വിളിക്കുന്നതെന്ന് അനുശ്രീ വ്യക്തമാക്കുന്നു.
നാത്തൂന് ആതിരയ്ക്കൊപ്പമുള്ള വിശേഷങ്ങളും നാത്തൂന് ഗര്ഭിണിയായാലുള്ള ഗുണത്തെ പറ്റിയുമൊക്കെ അനുശ്രീ സോഷ്യല് മീഡിയയിലൂടെ പങ്കുവെച്ചിരുന്നു. 'ഞാന് വളര്ത്തി ഉണ്ടാക്കിയ എന്റെ സാമ്രാജ്യത്തിലേക്കു പുതിയ പടനായകന് സ്വാഗതം. ആരും സഞ്ചരിക്കാത്ത വഴികളിലൂടെ ഒക്കെ നമുക്ക് സഞ്ചരിക്കേണ്ടി വരും. തളരരുത് പുത്രാ തളരരുത്. എല്ലാം നേരിട്ടു നമുക്ക് മുന്നോട്ടു പോകാം..
2017 ജൂണിലായിരുന്നു അനുശ്രീയുടെ സഹോദരന് അനൂപിന്റെയും ആതിരയുടെയും വിവാഹം നടന്നത്. സഹോദരന് കുഞ്ഞു പിറക്കാന് പോകുന്ന വിശേഷത്തെ കുറിച്ച് മുന്പും നടി അനുശ്രീ സോഷ്യല് മീഡിയയിലൂടെ പങ്കുവച്ചിരുന്നു.
https://www.facebook.com/Malayalivartha
