ഇങ്ങനെയൊരു സാഹചര്യത്തില് ഇത് പോലെയൊരു കമന്റിടാന് കഴിഞ്ഞെങ്കില് അങ്കിളിന്റെ തൊലിക്കട്ടി മോശമാണെന്നു ഞാന് കരുതുന്നില്ല....വിമര്ശകന് തക്ക മറുപടിയുമായി മീനാക്ഷി
ബാലതാരമായെത്തി മലയാളി പ്രേഷകരുടെ മനസ്സില് ഇടം നേടിയ നടിയാണ് മീനാക്ഷി. അവതാരകയായും തിളങ്ങുന്ന താരം സോഷ്യല് മീഡിയയിലും സജീവമാണ്. ഇപ്പോഴിതാ മീനാക്ഷി അടുത്തിടയില് പങ്കുവെച്ച ഒരു പോസ്റ്റിന് താഴെ താരത്തെ അപമാനിച്ചുകൊണ്ട് വന്ന കമന്റിന് കിടിലന് മറുപടി നല്കിയിരിക്കുകയാണ് മീനാക്ഷി.
സിനിമാമേഖലയില് ദിവസക്കൂലിക്ക് ജോലിചെയ്യുന്ന ജീവനക്കാരന്റെ കുഞ്ഞിനെ സഹായിക്കണം എന്ന് അഭ്യര്ഥിച്ച് മീനാക്ഷി ഇട്ട കുറിപ്പിന് നേരെയാണ് ചിലരുടെ ആക്ഷേപ കമന്റുകള്. 'കോടികള് പ്രതിഫലം പറ്റുന്നവര് നിറഞ്ഞു വിലസുന്ന സിനിമാ മേഖലയില് ഉള്ളവര് വിചാരിച്ചാല് പോരെ?
അതോ മലയാളികള് ചാരിറ്റിയിലൂടെ മാത്രം ചികിത്സിക്കുകയൊള്ളുയെന്നുണ്ടോ? ജനങ്ങളുടെ മുന്നില് ഇങ്ങനെ പോസ്റ്റിടാന് അത്യാവശ്യത്തിലധികം തൊലിക്കട്ടി വേണം?' എന്നാണ് ഒരാളുടെ കമന്റ്. എന്നാല് ഇയാള്ക്ക് നല്ല മറുപടിയും മീനാക്ഷി നല്കി : 'അങ്കിളേ, എന്നെ കൊണ്ട് കഴിയുന്ന ഒരു കുഞ്ഞു സഹായമാണെങ്കിലും ഞാന് ചെയ്തിട്ടുണ്ട്..
വലിയ വലിയ സിനിമക്കാരുടെ മുന്പിലൊക്കെ എത്തിക്കാന് കാത്തിരുന്നാല് സമയം കടന്ന് പോകുമെന്ന് ഉള്ളതു കൊണ്ടാണ് ഇങ്ങനെയൊരു പോസ്റ്റിട്ടത്..അങ്കിളിനു പറ്റുമെങ്കില് മാത്രം സഹായിച്ചാല് മതി. ഇങ്ങനെയൊരു സാഹചര്യത്തില് ഇത് പോലെയൊരു കമന്റിടാന് കഴിഞ്ഞെങ്കില് അങ്കിളിന്റെ തൊലിക്കട്ടിയും മോശമാണെന്നു ഞാന് കരുതുന്നില്ല.' മീനാക്ഷി കുറിച്ചു.
മീനാക്ഷിയുടെ കുറിപ്പ്...
കുറിപ്പ് ഇങ്ങനെ: ഒന്ന് ശ്രദ്ധിക്കാമോ. ഈ ചേട്ടന്റെ കയ്യിലിരിക്കുന്ന കുഞ്ഞ് ഇപ്പോള് വളരെ ക്രിട്ടിക്കല് സ്റ്റേജില് കോട്ടയം മെഡിക്കല് കോളേജില് ചികിത്സയില് കഴിയുകയാണ്. (പെട്ടെന്ന് പനി കൂടി തലച്ചോറിന് ബാധിച്ച് ഒരു വശം തളര്ന്നു പോയിരിക്കുന്നു).ഫിലിം ഫീല്ഡില് വളരെ ചെറിയ രീതിയിലുള്ള ജോലി ചെയ്യുന്ന ഈ ചേട്ടന്റെ കുടുംബം സാമ്ബത്തികമായി വളരെ മോശം അവസ്ഥയിലുമാണ് … ഈ കുഞ്ഞിന് ചികിത്സയ്ക്ക് വേണ്ടി സാധിക്കുമെങ്കില് ഒരു ചെറിയ സഹായം ചെയ്യാമോ?
https://www.facebook.com/Malayalivartha
