നടിയും ട്രാൻസ് വുമെണുമായ ഹരിണി ചന്ദന വിവാഹിതയായി; ഒരമ്മയുടെ ഉത്തരവാദിത്തം പൂര്ത്തീകരിക്കുകയാണ് എന്ന് രഞ്ചു രഞ്ജിമാർ
നടി എലിസബത്ത് ഹരിണി ചന്ദന വിവാഹിതയായി. നീണ്ടവർഷത്തെ പ്രണയത്തിനുശേഷമായിരുന്നു വിവാഹം. സഹപാഠിയും കുമ്പളങ്ങാ സ്വദേശിയുമായ സുനീഷാണ് വരൻ.വിവാഹ ചടങ്ങിൽ സുഹൃത്തുക്കളും അടുത്ത ബന്ധുക്കളും മാത്രമായിരുന്നു പങ്കെടുത്തത്. അമ്മയുടെ സ്ഥാനത്ത് നിന്ന് രഞ്ജു രഞ്ജിമാര് ആയിരുന്നു ചടങ്ങു നടത്തിയത് .
ഒരമ്മയുടെ ഉത്തരവാദിത്തം പൂര്ത്തീകരിക്കുകയാണ്. ഇത് എല്ലാ സ്ത്രീയുടേയും സ്വപ്നമാണെന്ന അടിക്കുറിപ്പോടെയാണ് വിവാഹ ചിത്രങ്ങൾ രഞ്ചു രഞ്ജിമാർ ചിത്രങ്ങൾ പങ്കുവെച്ചത്. പെണ്ണായി മാറേണ്ട അതിയായ ആഗ്രമൂലം സ്വന്തം നാടായ കുമ്പളങ്ങി ഹരിണിക്ക് നഷ്ടമാവുകയായിരുന്നു .അവിടെക്കാണിപ്പോൾ മരുമകളായി പോകുന്നത്. ഹരിണി തന്റെ പതിനേഴാം വയസ്സിലാണ് ലിംഗ മാറ്റശസ്ത്രക്രിയയിലൂടെ സ്ത്രീയായി മാറിയത് . 2017-ൽ കൊച്ചിയിൽ നടന്ന ട്രാൻസ്ജെൻഡർ സൗന്ദര്യമത്സരത്തിൽ സെക്കൻഡ് റണ്ണറപ്പായിരുന്നു ഹരിണി. ‘ട്രാൻസ്ജെൻഡർ തിയേറ്റർ ഗ്രൂപ്പ്’ ആയ ‘മഴവിൽ ധ്വനി’യുടെ ‘പറയാൻ മറന്നത്’ എന്ന നാടകത്തിൽ അഭിനയിച്ചു. അത് ഒരുപാട് വേദികളിൽ അവതരിപ്പിച്ചതോടെയാണ് ഹരിണി അഭിനയ രംഗത്ത് ശ്രദ്ധിക്കപെടുന്നത്.
https://www.facebook.com/Malayalivartha