എന്റെ വീട്ടിലും ഇതേ അവസ്ഥ ആണ്.... നിമിഷയുടെ സ്ഥാനത്ത് ഞാനെന്ന വ്യത്യസമുണ്ട്
'ദ ഗ്രേറ്റ് ഇന്ത്യന് കിച്ചന്' മലയാളി പ്രേക്ഷകരുടെ പതിവ് സിനിമാക്കാഴ്ചകളെ പൊളിച്ചെഴുതി രണ്ടാം വാരത്തിലേക്ക് കുതിക്കുകയാണ്. ജിയോ ബേബി ഒരുക്കിയ ചിത്രം കൈയടികള് നേടുകയാണ്.ചിത്രത്തെ കുറിച്ചുള്ള റിവ്യു പോസ്റ്റുകളും അനാലിസിസ് പോസ്റ്റുകളുമാണ് സോഷ്യല് മീഡിയയില് നിറയുന്നത്. സിനിമ കണ്ട് നടനും അവതാരകനുമായ സാബുമോന് സോഷ്യല് മീഡിയയില് പങ്കുവെച്ച വാക്കുകളാണ് വൈറലായത്. തന്റെ വീട്ടിലും ഇതേ അവസ്ഥ, എന്നാല് ഒരു വ്യത്യാസം ഉണ്ടെന്നുമാണ് സാബുമോന് കുറിച്ചിരിക്കുന്നത്. 'ദ ഗ്രേറ്റ് ഇന്ത്യന് കിച്ചന് സിനിമ കണ്ടു, എന്റെ വീട്ടിലും ഇതേ അവസ്ഥ ആണ്, നിമിഷയുടെ സ്ഥാനത്തു ഞാനും എതിര്ഭാഗത്ത് സ്നേഹ ഭാസ്ക്കരന് എന്ന ഈ മൂരാച്ചിയും ആണ് എന്ന ഒരു വ്യത്യാസമേ ഉള്ളൂ' എന്നാണ് സാബുമോന്റെ കുറിപ്പ്. തൊണ്ടിമുതലും ദൃക്സാക്ഷിയും ചിത്രത്തിന് ശേഷം സുരാജ് വെഞ്ഞാറമൂടും നിമിഷ സജയനും ദമ്ബതികളായി എത്തിയ ചിത്രമാണ് ദ ഗ്രേറ്റ് ഇന്ത്യന് കിച്ചണ്.
https://www.facebook.com/Malayalivartha
