ബിഗ് സ്ക്രീനിലും മിനിസ്‌ക്രീനിലും ഒരുപോലെ തിളങ്ങി നിൽക്കുന്ന നടിയാണ് സ്വാസിക. 2020ലെ സംസ്ഥാന അവാർഡിലും ഇടംനേടിയ സ്വാസിക പലപ്പോഴും ഗോസിപ്പുകളിൽ നിറഞ്ഞുനിൽക്കാറുണ്ട്. സീത എന്ന സീരിയലിലൂടെയാണ് സ്വാസിക മലയാളികളുടെ മനസ്സിൽ ഇടം നേടിയത്. തമിഴ് സിനിമയിലൂടെയാണ് സിനിമാ ലോകത്തേക്ക് ചുവടുറപ്പിച്ചത്.നൃത്തം,പാട്ട് എന്നിവയിലും സ്വാസിക തന്റേതായ കഴിവ് തെളിയിച്ചിട്ടുണ്ട്. നടൻ ഉണ്ണിമുകുന്ദനുമായി പ്രണയത്തിലാണെന്ന വാർത്തയാണ് ഏറ്റവും പുതിയതായി പ്രചരിച്ചിരുന്നത്. ഇപ്പോഴിതാ താരം ഇൻസ്റാഗ്രാമിലൂടെ പങ്കുവെച്ച ചിത്രമാണ് സമൂഹമാധ്യമങ്ങളിലെ ചർച്ച വിഷയം.

സീരിയലുകളിലെ റൊമാന്റിക് രംഗങ്ങളിലെ സഭാവിക അഭിനയമാണ് സ്വാസികയ്ക്ക് ആരാധകരെ നേടിക്കൊടുത്തത്. സിനിമയിൽ തേപ്പുകാരിയായി എത്തിയാണ് പ്രേക്ഷക ശ്രദ്ധ നേടിയത്. മിനിസ്ക്രീൻ ആരാധകർ സീതയെന്നും ബിഗ് സ്ക്രീൻ ആരാധകർ തേപ്പുകാരിയെന്നും ഓമന പേരിട്ടാണ് താരത്തെ വിളിക്കുന്നത്. ഒരേ സമയം സീരിയലിലും സിനിമയിലും തിളങ്ങുന്ന താരം ഇത്തവണ മികച്ച രണ്ടാമത്തെ നടിക്കുള്ള പുരസ്‌കാരത്തിന് അർഹയാകുകയുണ്ടായി. വാസന്തി എന്ന ചിത്രത്തിലെ പ്രകടനത്തിനായിരുന്നു മികച്ച നടിക്കുള്ള പുരസ്‌കാരം ലഭിച്ചത്. കഴിഞ്ഞ ദിവസം പുരസ്‌കാര ചടങ്ങിന്റെ ചിത്രങ്ങൾ സ്വാസിക സോഷ്യൽ മീഡിയയിൽ പങ്കുവെച്ചത്.

നടനും എഴുത്തുകാരനുമായ ബദ്രിനാഥിനോടൊപ്പമുള്ള ചിത്രമാണ് സോഷ്യൽ മീഡിയ ഏറ്റെടുത്തിരിക്കുന്നത്. പോസ്റ്റിന്റെ കൂടെയുള്ള ഹാഷ്ടാഗുകളാണ് ആരാധകരിൽ ഇവർ വിവാഹിതരാവുകയാണോ എന്ന ചോദ്യം ഉയരുവാൻ കാരണമായത്.കൂടാതെ ഇവർ മുൻപ് സിനിമയിലും വെബ്‌സീരിയലിലും ഒന്നിച്ചു പ്രവർത്തിക്കുകയും ചെയ്തിരുന്നു. എന്റെ ആത്മസഖിയാണെന്ന് ഹാഷ്ടാഗില്‍ സൂചിപ്പിച്ചിരുന്നത്. 'നിങ്ങള്‍ മാതൃകാപരമായി സ്‌നേഹിക്കുന്നവനാണ്. കരുതലും സമപര്‍പ്പണവുമുള്ള ബോസ് ആണ് ബദ്രിനാഥ് കൃഷ്ണന്‍. എനിക്ക് ചുറ്റും എല്ലായിടത്തുമായി മാജിക്കും സ്‌നേഹവുമായി ഉണ്ട് '. എന്നാണ് ബദ്രിയ്‌ക്കൊപ്പമുള്ള ചിത്രത്തിന് സ്വാസിക നൽകിയിരിക്കുന്ന ക്യാപ്ഷൻ. കൂടാതെ എന്റെ പുരുഷന്‍; ജീവിതത്തിലെ നായകനാണെന്ന് കൂടി ബദ്രിനാഥിനെ നടി പരിചയപെടുത്തിയിരിക്കുകയാണ്. ഇതോടുകൂടിയാണ് സോഷ്യൽ മീഡിയയിലെ ചോദ്യങ്ങൾക്ക് തുടക്കമായത്.

രചന നാരായണന്‍കുട്ടി, സാധിക വേണുഗോപാല്‍, സ്‌നേഹ ശ്രീകുമാര്‍, മൃദുല വിജയ് തുടങ്ങി നിരവധി നടിമാരടക്കം സ്വാസികയുടെ പോസ്റ്റിന് താഴെ കമന്റുകളുമായി എത്തിയിരുന്നു. മേഡ് ഫോര്‍ ഈച്ച് അദര്‍ എന്നാണ് സാധികയുടെ കമന്റ്. ഇതിനു മറുപടിയുമായി നന്ദിയുണ്ടെന്ന് പറഞ്ഞ് സ്വാസികയും എത്തി. 'ഏറെ കാത്തിരുന്ന സമ്മാനമാണ്. നീയത് ശരിക്കും അര്‍ഹിച്ചിരുന്നു'. എന്ന ക്യാപ്ഷനോടുകൂടി പുരസ്‌കാരം കൈയില്‍ പിടിച്ച് നില്‍ക്കുന്ന സ്വാസികയുടെ ചിത്രം ബദ്രിനാഥും പങ്കുവെച്ചിരുന്നു. ഇതോടുകൂടിയാണ് ഇരുവരും പ്രണയത്തിലാണെന്ന വാർത്ത കൂടുതൽ പ്രചാരം നേടിയത്.