വനിത എക്സിക്യൂട്ടീവ് അംഗങ്ങള്ക്ക് എന്തുകൊണ്ട് ഇരിപ്പിടം ഇല്ല.... ആണുങ്ങള് മാത്രമിരിക്കുന്ന വേദികളാണ് ഇപ്പോഴും കാണുന്നതെന്ന് പാര്വതി
കഴിഞ്ഞ ദിവസമാണ് താരസംഘടനയായ അമ്മയുടെ ആസ്ഥാനമന്ദിരം താരരാജാക്കന്മാര് ചേര്ന്ന് ഉദ്ഘാടനം നടത്തിയത്. എന്നാല് എക്സിക്യുട്ടീവ് അംഗങ്ങളായിട്ടുള്ള വനിത താരങ്ങള്ക്ക് ഇരിപ്പിടം ഒരുക്കിയില്ലെന്ന തരത്തിലുള്ള വിമര്ശനങ്ങള് സോഷ്യല് മീഡിയയില് ചര്ച്ചയാകുകയാണ്. വിഷയത്തില് പ്രതികരണവുമായി നടി പാര്വതി തിരുവോത്തം എത്തിയിരിക്കുകയാണ്. ആണുങ്ങള് വേദികളില് ഇരിക്കുകയും സ്ത്രീകള് സൈഡില് നില്ക്കുകയും ചെയ്യുന്ന രീതി ഇപ്പോഴും തുടരുകയാണെന്നാണ് പാര്വതി പറയുന്നത്. അമ്മയിലെ പ്രമുഖരടക്കമുള്ള താരങ്ങള് ചടങ്ങില് പങ്കെടുക്കാന് എത്തിയിരുന്നു. നടിമാരായ ഹണി റോസ്, രചന നാരായണന്ക്കുട്ടി അടക്കം എക്സിക്യൂട്ടീവ് അംഗങ്ങളായ നടിമാര് വേദിയുടെ ഒരു സൈഡില് നില്ക്കുകയായിരുന്നു. ചടങ്ങ് തുടങ്ങിയത് മുതല് നടിമാരെ വേദിയില് ഇരുത്തിയില്ലെന്നുള്ളതാണ് വിമര്ശനങ്ങള്ക്ക് വഴിയൊരുക്കിയത്.
https://www.facebook.com/Malayalivartha
