നാദിര്‍ഷായുടെ മകളുടെ വിവാഹസത്ക്കാരത്തില്‍ നടന്‍ പൃഥ്വിരാജ് ധരിച്ച ടിഷര്‍ട്ടാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്. പൃഥ്വിരാജ് ധരിച്ച ടിഷര്‍ട്ട് ആരാധകരുടേയും ഫാഷന്‍ പ്രേമികളുടേയും ശ്രദ്ധ നേടിയിരുന്നു. തുടര്‍ന്ന് ആ ടിഷര്‍ട്ട് ഏതെന്നു കണ്ടെത്താനുള്ള ശ്രമവും ആരാധകര്‍ തുടങ്ങിയിരുന്നു. ഒടുവില്‍ അന്വേഷണം ചെന്നെത്തിയത് ബ്രിട്ടീഷ് ആഡംബര ബ്രാന്‍ഡായ ബര്‍ബെറിയിലാണ്. ബര്‍ബെറിയുടെ ലോഗ് ടേപ് പോളോ ഷര്‍ട്ട് ആണ് പൃഥ്വിരാജ് ധരിച്ചത്. കോട്ടണ്‍ കൊണ്ടാണ് ഈ ടിഷര്‍ട്ട് തയ്യാറാക്കിയിരിക്കുന്നത്. ടിഷര്‍ട്ടിന്റെ തോള്‍ഭാഗത്ത് കറുപ്പില്‍ വെള്ളനിറം കൊണ്ട് ബെര്‍ബറിയുടെ ലോഗോ പതിച്ചിട്ടുണ്ട്. 421 യൂറോ ആണ് ഈ ടിഷര്‍ട്ടിന്റെ വില. ഇന്ത്യന്‍ രൂപയില്‍ ഏകദേശം 37,000 രൂപ വരും. നേരത്തെ മമ്മൂട്ടിയുടെ വാച്ചും മേഹന്‍ലാലിന്റെ ഷൂസും ഇത്തരത്തില്‍ വൈറലായിരുന്നു. ഇക്കൂട്ടത്തിലാണ് പൃഥ്വിയുടെ ടിഷര്‍ട്ടും ഇപ്പോള്‍ ഇടം നേടിയത്.