ഷൂട്ടിങ്ങിനിടെ നടന് ഫഹദ് ഫാസിലിന് പരിക്കേറ്റു; സിനിമാ ചിത്രീകരണം താല്ക്കാലികമായി നിര്ത്തിവെച്ചു
'മലയന്കുഞ്ഞ്' എന്ന സിനിമയുടെ ചിത്രീകരണത്തിനിടെ നടന് ഫഹദ് ഫാസിലിന് പരിക്കേറ്റു. പാതാളത്തെ സ്റ്റുഡിയോയില് സിനിമാ ചിത്രീകരണം നടക്കുന്നതിനിടെ വീണു പരിക്കേല്ക്കുകയായിരുന്നു. സംഭവത്തെ തുടര്ന്ന് സിനിമയുടെ ചിത്രീകരണം താല്ക്കാലികമായി നിര്ത്തിവെച്ചു. സജിമോന് പ്രഭാകര് സംവിധാനം ചെയ്യുന്ന മലയന്കുഞ്ഞിന്റെ തിരക്കഥ മഹേഷ് നാരായണന്റേതാണ്. സിനിമയില് വീട് മണ്ണിനടിയിലേക്ക് ഒലിച്ചു പോകുന്ന രംഗം ചിത്രീകരിക്കുന്നതിനിടെയാണ് താരത്തിന് പരിക്കേറ്റത്. ഷൂട്ടിങ്ങിനായി നിര്മിച്ച വീടിന്റെ മുകളില് നിന്നാണ് താരം വീണത്. മൂക്കിന്റെ പാലത്തിന് പൊട്ടല് ഉണ്ട്. കൊച്ചിയിലെ സ്വകാര്യ ആശുപത്രിയില് ശസ്ത്രക്രിയക്ക് വിധേയമാക്കി. വീഴ്ചയുടേതായ ചെറിയ വേദനകള് മാത്രമാണ് താരത്തിനുള്ളതെന്നും നിലവില് വിശ്രമത്തിലാണെന്നും താരത്തോടു അടുത്ത വൃത്തങ്ങള് അറിയിച്ചു.
https://www.facebook.com/Malayalivartha