ബോളിവുഡില്‍ നിന്ന് തുടങ്ങി ഹോളിവുഡോളം വളര്‍ന്ന താരമാണ് പ്രിയങ്ക ചോപ്ര. ബോളിവുഡില്‍ ഏറ്റവും കൂടുതല്‍ ആരാധകരുള്ള നടിയെന്ന് നിസംശയം പറയാം.

താരത്തിന്റെ ഉറ്റ ബന്ധുവായ പരിണിതി ചോപ്ര സിനിമാരംഗത്ത് എത്തിയപ്പോള്‍ പ്രിയങ്കയോടുള്ള സ്നേഹം ഏറെക്കുറെ പരിണിതിയ്ക്കും പ്രേക്ഷകര്‍ നല്‍കി. ആദ്യ സിനിമ ലേഡീസ് ്‌ െറിക്കി ബാളില്‍ ടിംപലായി എത്തിയ പരിണിതിയെ ബോളിവുഡ് പ്രേക്ഷകര്‍ നെഞ്ചിലേറ്റി. ഇവള്‍ പ്രിയങ്കയ്ക്ക് പിന്തുടര്‍ച്ചക്കാരിയെന്ന് പോലും ആരാധകര്‍ പറഞ്ഞു.

ചുരുങ്ങിയ സമയം കൊണ്ട് ശ്രദ്ധേയ വേഷങ്ങള്‍ ചെയ്തു പരിണിതി ബോളിവുഡ് മുന്‍ നിര നായികമാരുടെ നിരയിലേക്ക് വളരുകയായിരുന്നു.

അഭിമുഖങ്ങളില്‍ പരിണിതി തുറന്നു പറയുന്ന പലകാര്യങ്ങളും വാര്‍ത്തകളില്‍ നിറഞ്ഞു നില്‍ക്കാറുണ്ട്. ഇപ്പോളിതാ നടിയുടെ രസകരമായ ഒരു സംഭാഷണം ഗോസിപ്പ് കോളങ്ങളില്‍ വൈറലാണ്. തന്റെ ഡേറ്റിംഗിനെ (ആണ്‍ സുഹൃത്തുമായി ചിലവഴിക്കുന്ന സമയം ) കുറിച്ചാണ് പരിണിതി ഇപ്പോള്‍ തുറന്നു പറഞ്ഞിരിക്കുന്നത്.

''ഡേറ്റിംഗിന് പോവുന്നതിനോടൊന്നും വലിയ വിശ്വാസമില്ല. ആണ്‍ സുഹൃത്തിനെ വീട്ടിലേക്ക് ക്ഷണിക്കും. ഭക്ഷണം ഓര്‍ഡര്‍ ചെയ്തു കഴിക്കും. ഒരുപാട് സംസാരിക്കും . സിനിമ കാണും. ഡാന്‍സ് ചെയ്യും. ഇതാണ് എന്റെ ഡേറ്റ്. ''കുസൃതി ചിരിയോടെയാണ് തന്റെ ഡേറ്റിംഗ് വിശേഷത്തെ കുറിച്ച് താരം പറഞ്ഞത്.

തന്റെ ആദ്യ ചുംബനം പതിനെട്ടാം വയസിലായിരുന്നെന്നും താരം തുറന്നു പറഞ്ഞു. അതും വിവാഹിതനായ താരത്തെയാണ് ചുംബിച്ചതെന്ന വാര്‍ത്ത പ്രേക്ഷകരെ കൂടുതല്‍ ആകാംക്ഷയിലാക്കി. ആരാണ് ആ താരമെന്ന് പ്രേക്ഷകര്‍ പരിണിതിയോട് സാമൂഹ്യ മാദ്ധ്യമങ്ങളിലൂടെ ചോദിച്ചുവെങ്കിലും അതിന് മറുപടി നല്കാന്‍ താരം തയ്യാറായില്ല.

അതോടൊപ്പം തനിക്ക് ക്രേസുള്ളയാളെ കുറിച്ച് താരം തുറന്നു പറഞ്ഞപ്പോള്‍ ആ താരത്തോടൊപ്പമായിരിക്കുമോ ആദ്യ ചുംബനം എന്ന നിലയിലും ചോദ്യങ്ങള്‍ ഉയര്‍ന്നു വരുന്നുണ്ട്.

ബോളിവുഡിലെ മുന്‍നിര നായകന്മാരിലൊരാളായ സെയ്ഫ് അലി ഖാനോടാണ് പരിണിതിയുടെ ഭ്രമം. എന്നാല്‍ കരീനയോട് ഇതേ കുറിച്ച് സംസാരിച്ചിട്ടുണ്ടെന്നും താരവുമായി നല്ല സൗഹൃദം മാത്രമാണുള്ളതെന്നും പരിണിതി പറഞ്ഞു. വിവാഹിതനായ സെയ്ഫ് അലി ഖാനെ ഇഷ്ടമെന്ന് പറഞ്ഞാല്‍ അത് പ്രശ്നമാകുമോയെന്ന പേടി ഉള്ളില്‍ ഉണ്ടായിരുന്നുവെന്നും താരം പറഞ്ഞു.

ശരീര കാര്യത്തില്‍ കൂടുതല്‍ ശ്രദ്ധ കൊടുക്കുന്ന താരമാണ് പരിണിതി . തന്റെ കോളേജ് കാലഘട്ടത്തില്‍ ഓവര്‍ വെയ് റ്റായിരുന്നുവെന്നും പിന്നീട് കൃത്യമായ വര്‍ക്കൗട്ട് ഫിറ്റ്നസും നോക്കിയതുകൊണ്ടാണ് ഇപ്പോഴുള്ള ശരീര ഭംഗിയിലേക്ക് താരം എത്തിയതെന്നും താരം പറഞ്ഞു. താരത്തിന്റെ സന്ദീപ് ഓര്‍ പിങ്കി ഫറാര്‍ എന്ന ചിത്രം കഴിഞ്ഞ ദിവസം റിലീസ് ചെയ്തു.ചിത്രത്തില്‍ സന്ദീപ് കൗറായി പരിണിതി മികച്ച പ്രകടനം കാഴ്ചവച്ചു.

താരത്തിന്റെ ദ് ഗേള്‍ ഓണ്‍ ദ് ട്രെയിന്‍ എന്ന ചിത്രത്തിലും പരിണിതിയുടെ പ്രകടനം പ്രശംസനീയമാണ്.പ്രശസ്ത ബാഡ്മിന്റണ്‍ താരം സൈന നെഹ്വാളിന്റെ ബയോപ്പിക്കായ സൈനയാണ് പരിണിതിയുടെ അണിയറയില്‍ ഒരുങ്ങുന്ന അടുത്ത ചിത്രം.