തമിഴ്‌നടന്‍ വിജയ്‌യുടെ തെരഞ്ഞെടുപ്പ് ദിനത്തിലെ സൈക്കിള്‍ യാത്രയില്‍ പ്രതികരണവുമായി പിതാവ് എസ്.എ.ചന്ദ്രശേഖര്‍. രാഷ്ട്രീയ സന്ദേശം നല്‍കാനാണ് വിജയ് സൈക്കിള്‍ യാത്ര നടത്തിയതെന്ന് പിതാവ് മാധ്യമങ്ങളോട് പ്രതികരിച്ചു.

സമത്വം എന്ന ആശയം പ്രചരിപ്പിക്കുകയായിരുന്നു സൈക്കിള്‍ യാത്രയുടെ ലക്ഷ്യം. വിജയ്‌യെ എം.ജി.ആറുമായി താരതമ്യം ചെയ്യുമ്ബോള്‍ സന്തോഷമുണ്ടെന്നും പിതാവ് പ്രതികരിച്ചു.സാധാരണക്കാരില്‍ ഒരാളായി വോട്ട് ചെയ്യാനാണ് സൈക്കിളില്‍ പോളിങ് ബൂത്തിലെത്തിയത്. വോട്ട് ചെയ്യുമ്ബോള്‍ തമിഴരില്‍ ഒരാളായി എത്താനാണ് വിജയ് ആഗ്രഹിക്കുന്നതെന്നും അതിനാലാണ് സൈക്കിളില്‍ വന്നതെന്നും എസ്.എ ചന്ദ്രശേഖര്‍ പറഞ്ഞു.