മെഡിക്കല്‍ കോളേജ് വിദ്യാര്‍ത്ഥികളായ നവീനിന്‌റെയും ജാനകിയുടെയും റാസ്പുടിന്‍ ഡാന്‍സ് സോഷ്യല്‍ മീഡിയ എറ്റെടുത്തിരുന്നു. ഒറ്റ ഡാന്‍സ് വീഡിയോയിലൂടെ ഇരുവരും മലയാളികളുടെ ഇഷ്ടം നേടി. ഇവരെ അനുകരിച്ചാണ് പിന്നാലെ സനൂപ് കുമാര്‍ എന്ന യുവാവ് ചെയ്ത ഡാന്‍സും തരംഗമായത്.

ഒരു മുഴുകുടിയന്റെ ശരീരഭാഷയില്‍ ചുവടുവെച്ചാണ് സനൂപ് കൈയ്യടി നേടിയത്. കളള് കുടിക്കാതെ ശരിക്കും ഒരു മുഴുകുടിയനെ പോലെ വീഡിയോയില്‍ ഡാന്‍സ് കളിച്ചിരുന്നു സനൂപ്. ഇത് പിന്നീട് വാര്‍ത്തകളിലെല്ലാം ഇടംപിടിച്ചു.അതേസമയം സനൂപിന് അഭിനന്ദനവുമായി മഞ്ജു വാര്യരും എത്തിയിരുന്നു. കളളുകുടിയന്‌റെ ലക്കുകെട്ട ചെയ്തിയായല്ല ആത്മപ്രകാശനത്തിന്‌റെ ഉപാധിയായാണ് സനൂപിന്‌റെ ഡാന്‍സിനെ കാണേണ്ടതെന്ന് മഞ്ജു വാര്യര്‍ പറഞ്ഞു.
മദ്യപിക്കാതെയാണ് സനൂപിന്‌റെ പ്രകടനം എന്നതിലുണ്ട് അയാളുടെ മികവെന്ന് ലോക നൃത്തദിനത്തോടനുബന്ധിച്ച് ഒരു അഭിമുഖത്തില്‍ മഞ്ജു വാര്യര്‍ പറഞ്ഞു. സനൂപിന് പുറമെ ജാനകിയെയും നവീനെയും നടി അഭിനന്ദിച്ചിരുന്നു. ആശുപത്രി മുറിയിലെ രക്തസമ്മര്‍ദ്ദം കൂട്ടുന്ന ജോലിയില്‍ നിന്ന് പുറത്തേക്കുവന്നപ്പോള്‍ ജാനകിക്കും നവീനും തോന്നിയത് നൃത്തം ചെയ്യാനാണെന്നും അവര്‍ സ്വയം ചിട്ടപ്പെടുത്തിയ രീതിയില്‍ ചുവടുവെച്ചപ്പോള്‍ ലോകം അതിന് കൈയ്യടിച്ചുവെന്നും ലേഡീ സൂപ്പര്‍സ്റ്റാര്‍ അഭിമുഖത്തില്‍ പറഞ്ഞു.