ബാലതാരമായി മലയാള സിനിമയില്‍ എത്തിയ എസ്തര്‍ വളരെ പെട്ടെന്ന് തന്നെ മലയാളി പ്രേക്ഷകരുടെ സ്വന്തം മകളായി മാറുകയായിരുന്നു. മലയാളത്തിലെ സൂപ്പര്‍ താരങ്ങളോടൊപ്പവും യുവതാരങ്ങളോടൊപ്പവും ഒരുപോലെ തിളങ്ങാന്‍ നടിക്ക് കഴിഞ്ഞിരുന്നു. 2013 ല്‍ പുറത്തിറങ്ങിയ ദൃശ്യമാണ് നടിയുടെ കരിയര്‍ മാറ്റിമറിച്ചത്. അനുമോള്‍ എന്ന കഥാപാത്രം എസ്തറിന് വലിയ ബ്രേക്ക് നല്‍കിയിരുന്നു. പിന്നീട് തെലുങ്കില്‍ നിന്നും തമിഴില്‍ നിന്നും ചാന്‍സുകള്‍ നടിയെ തേടി എത്തുകയായിരുന്നു.

ഇപ്പോള്‍ സോഷ്യല്‍ മീഡിയയില്‍ വൈറലാകുന്നത് എസ്തറിന്റെ പുതിയ ഫോട്ടോഷൂട്ടാണ്. ലോക്ക് ഡൗണ്‍ കാലത്ത് വെര്‍ച്വല്‍ ഫോട്ടോഷൂട്ടുമായിട്ടാണ് നടി എത്തിയിരിക്കുന്നത്. വെര്‍ച്വല്‍ ചിത്രത്തിലൂടെ വീട്ടിലിരുന്നു പകര്‍ത്തിയ ചിത്രം നടി തന്നെയാണ് തന്റെ ഇന്‍സ്റ്റഗ്രാം പേജില്‍ പങ്കുവെച്ചിരിക്കുന്നത്.