നയന്താരയെ കുറിച്ച് കുഞ്ചാക്കോ ബോബന് പറയുന്നത്...
നിഴല് സിനിമയുടെ ചിത്രീകരണ സമയത്ത് നയന്താരയെന്ന പ്രൊഫഷണല് നടിയെ അടുത്തറിഞ്ഞ അനുഭവം പങ്കു വെച്ചിരിക്കുകയാണ് കുഞ്ചാക്കോ ബോബന്. നയന്താരയും കുഞ്ചാക്കോ ബോബനും പ്രധാന വേഷത്തില് എത്തിയ ചിത്രമാണ് അപ്പു എന്. ഭട്ടതിരിയുടെ സംവിധാനത്തില് ഒരുങ്ങിയ നിഴല്. തിരക്കുള്ള താരമായി നിറഞ്ഞു നില്ക്കുമ്പോഴും മലയാളത്തിലേക്കുള്ള ക്ഷണം സ്വീകരിച്ച് അവര് സന്തോഷത്തോടെ നിഴല് ടീമിനൊപ്പം ചേര്ന്നെന്നും കുഞ്ചാക്കോ ബോബന് മാസികയില് എഴുതിയ കുറിപ്പില് പറയുന്നു. പലതരത്തിലുള്ള പ്രതിസന്ധികളെ വകഞ്ഞു മാറ്റിയുള്ള ചിട്ടയായ യാത്രയാണ് നയന്താരയെ 'ലേഡി സൂപ്പര്സ്റ്റാര്' എന്ന ബ്രാന്ഡിലേക്ക് ഉയര്ത്തിയതെന്ന് അവരെ അടുത്തറിഞ്ഞപ്പോള് മനസ്സിലായെന്നും ചാക്കോച്ചന് പറയുന്നു.
സിനിമയോടും അഭിനയത്തോടും തികഞ്ഞ ആത്മാര്ത്ഥതയോടെയാണ് നയന്താര ഇടപെടുന്നത്. ജോലിയിലുള്ള കൃത്യനിഷ്ടയും പ്ലാനിംഗും അതിശയിപ്പിക്കുന്നതാണ്. ഒരു ദിവസത്തെ ഷൂട്ടിംഗ് പൂര്ത്തിയാക്കി പോകുമ്ബോള് അടുത്ത ദിവസം ചിത്രീകരിക്കുന്ന സീനുകളെക്കുറിച്ചുള്ള കാര്യങ്ങളെല്ലാം ചോദിച്ച് മനസ്സിലാക്കും. അതിനനുസരിച്ച് വസ്ത്രവും മേക്കപ്പും ചെയ്താണ് അവര് പിറ്റേ ദിവസം ലൊക്കേഷനിലെത്തുന്നത്.
സിനിമക്കൊപ്പം ഇത്തരത്തില് നീങ്ങുന്നതു കൊണ്ടു തന്നെയാകും സൗത്ത് ഇന്ത്യന് ചലച്ചിത്രലോകത്ത് അവരിന്നും തിളങ്ങി നില്ക്കുന്നതെന്നും സൂപ്പര് സ്റ്റാര് ഇമേജില് നില്ക്കുന്ന താരമാണങ്കിലും, സിനിമയുമായി സഹകരിക്കുന്ന ഒരവസരത്തിലും അത്തരമൊരു ഇടപടല് അവരില് നിന്നുണ്ടായിട്ടില്ലെന്നും കുഞ്ചാക്കോ ബോബന് പറയുന്നു.
https://www.facebook.com/Malayalivartha
