'അല്ല്പം മനുഷ്യതം ആവാല്ലോ';18 കോടി മുടക്കി താന്‍ കഷ്ടപ്പെട്ടുനേടിയ പണം മുഴുവന്‍ നഷ്ടപ്പെട്ട അവർക്ക് പ്രതിഫലം വാങ്ങിയ തുക എങ്കിലും തിരിച്ച്‌ കൊടുത്താല്‍ ഈ കോവിഡ് കാലത്ത് വല്ല്യ ഉപകാരം ആവും; നടി പാര്‍വതിക്കെതിരെ ഒമര്‍ ലുലുവിന്റെ ഫേസ്ബുക്ക് കുറുപ്പ്
ഒരുപാട് സ്വപ്നങ്ങളുമായി തന്റെ ആദ്യ സിനിമയെടുത്ത് പണം നഷ്ടപ്പെട്ട റോഷിനി ദിനകറിന് പ്രതിഫലം തിരികെ കൊടുത്താല്‍ കൊവിഡ് സമയത്ത് ഉപകാരമാവുമെന്ന് പാര്‍വതിയോട് ഒമര്‍ ലുലു. ഒഎന്‍വി പുരസ്‌കാരം വൈരമുത്തുവിന് കൊടുക്കുന്നതിനെതിരെ പാര്‍വ്വതി പറഞ്ഞ 'മനുഷ്യത്വം ആകാമല്ലോ' എന്ന വാക്കുകള്‍ ഉപയോഗിച്ചാണ് ഒമര്‍ ലുലുവിന്റെ ഫേസ്ബുക്ക് പോസ്റ്റ്.
ഒമര്‍ ലുലുവിന്റെ ഫേസ്ബുക്ക് പോസ്റ്റ്
പ്രിയപ്പെട്ട പാര്‍വതി മാഡം നിങ്ങള്‍ സമൂഹത്തിലെ ഒരുവിധം എല്ലാ കാര്യങ്ങളിലും ഇടപ്പെടുന്നു സ്ത്രീകള്‍ക്ക് വേണ്ടി സംസാരിക്കുന്നു വളരെ നല്ല കാര്യം.നിങ്ങള്‍ മനുഷ്യതം എന്ന് പറഞ്ഞപ്പോള്‍ ഓര്‍മ്മ വന്നത് മൈ സ്റ്റോറിയിലുടെ ഒരുപാട് സ്വപ്നങ്ങളുമായി സിനിമയില്‍ വന്ന പുതുമുഖ സംവിധായിക റോഷനിയുടെ മുഖമാണ് 18 കോടി മുടക്കി താന്‍ കഷ്ടപ്പെട്ടുനേടിയ പണം മുഴുവന്‍ നഷ്ടപ്പെട്ട റോഷിനിക്ക് ആ പ്രതിഫലം വാങ്ങിയ തുക എങ്കിലും തിരിച്ച്‌ കൊടുത്താല്‍ ഈ കോവിഡ് കാലത്ത് വല്ല്യ ഉപകാരം ആവും.പാര്‍വതി പിന്നേയും ഒരുപാട് സിനിമകള്‍ ചെയ്തല്ലോ അത് കൊണ്ട് പണത്തിന് ബുദ്ധിമുട്ട് ഉണ്ടാവില്ല എന്ന് കരുതുന്നു.അതെ പാര്‍വതി പറഞ്ഞ പോലെ 'അല്ല്പം മനുഷ്യതം ആവാല്ലോ'.
അതേസമയം പ്രതിഷേധം കടുത്തതോടെ വൈരമുത്തുവിന് പുരസ്‌കാരം നല്‍കുന്നതില്‍ പുനപരിശോധന നടത്തുമെന്ന് അടൂര്‍ ഗോപാലകൃഷ്ണന്‍ അറിയിച്ചിരുന്നു. പുരസ്‌കാര സമിതിയുടെ നിര്‍ദ്ദേശത്തെ തുടര്‍ന്നാണ് ഇത്തരമൊരു തീരുമാനം.
https://www.facebook.com/Malayalivartha
