ജോലിയില്ലാത്തതുകാരണം കഴിഞ്ഞ വര്ഷത്തെ നികുതിയുടെ പകുതി ഇതുവരെ അടച്ചിട്ടില്ല....സര്ക്കാര് പലിശ ഈടാക്കുകയാണ്...ഇന്ത്യയില് ഏറ്റവും കൂടുതല് നികുതി അടയ്ക്കുന്ന നടി താനാണെന്ന് അവകാശപ്പെട്ട് കങ്കണ റനാവത്
ഇന്ത്യയില് ഏറ്റവും കൂടുതല് നികുതി അടയ്ക്കുന്ന നടി താനാണെന്ന് അവകാശപ്പെട്ട് ബോളിവുഡ് താരം കങ്കണ റനാവത്. അതേസമയം ജോലി ഇല്ലാതിരുന്നതിനാല് കഴിഞ്ഞ വര്ഷം തനിക്ക് ചുമത്തിയ നികുതിയുടെ പകുതിമാത്രമേ അടയ്ക്കാന് കഴിഞ്ഞുളളുവെന്നും അവര് പറയുന്നു. അടയ്ക്കാത്ത തുകയ്ക്ക് സര്ക്കാര് പലിശ ഈടാക്കുകയാണെങ്കില് അതില് തനിക്ക് പ്രശ്നമില്ലെന്നും കങ്കണ കൂട്ടിച്ചേര്ത്തു. ഇന്സ്റ്റഗ്രാമിലൂടെയാണ് താരം ഇത്തരമൊരു പ്രതികണം നടത്തിയിരിക്കുന്നത്.
ഞാന് ഏറ്റവും നികുതി അടയ്ക്കുന്നവരുടെ കൂട്ടത്തിലാണ്. എന്റെ വരുമാനത്തിന്റെ 45 ശതമാനവും നികുതിയായി അടയ്ക്കുന്നു. ഏറ്റവും കൂടുതല് നികുതി അടയ്ക്കുന്ന നടിയാണെങ്കിലും ജോലിയില്ലാത്തതുകാരണം കഴിഞ്ഞ വര്ഷത്തെ നികുതിയുടെ പകുതി ഇതുവരെ അടച്ചിട്ടില്ല. ഇത് ജീവിതത്തില് ആദ്യമാണ്.
ഞാന് നികുതി അടയ്ക്കാന് വെെകി. പക്ഷേ അടയ്ക്കാത്ത നികുതി പണത്തിന് സര്ക്കാര് പലിശ ഈടാക്കുന്നുണ്ട്. എന്നിട്ടും ഞാന് ഈ നീക്കത്തെ ഞാന് സ്വാഗതം ചെയ്യുന്നു. വ്യക്തി എന്ന നിലയില് എല്ലാവര്ക്കും മോശം സമയമായിരിക്കും, എന്നാല് ഒരുമിച്ച് നിന്നാല് ഈ സമയത്തെക്കാള് ശക്തരാണ് നമ്മളെന്നും കങ്കണ തന്റെ ഇന്സ്റ്റഗ്രാം സ്റ്റോറിയില് പറയുന്നു.
കൊവിഡ് വ്യാപനത്തിന്റെ പശ്ചാത്തലത്തില് മാറ്റിവച്ച തലെെവി എന്ന ചിത്രത്തിന്റെ റിലീസിനായി കാത്തിരിക്കുകയാണ് കങ്കണ. ഈ ചിത്രം ഏപ്രില് 23ന് റിലീസ് ചെയ്യാനായിരുന്നു ആദ്യം തീരുമാനിച്ചിരുന്നത്. തേജസ്, മണികര്ണിക റിട്ടേണ്സ്: ലെജന്റ്സ് ഒഫ് ദിദ്ദ, ധാക്കഡ് തുടങ്ങിയ കങ്കണയുടെ ചിത്രങ്ങള് പണിപ്പുരയിലാണ്.
https://www.facebook.com/Malayalivartha
