ഇന്‍ജെക്ഷന്‍ പേടിച്ച് മുഖംപൊത്തി ആക്ഷന്‍ ചിത്രങ്ങളുടെ സംവിധായകന്‍
ആക്ഷന്‍ ചിത്രം കെ.ജി.എഫിന്റെ സംവിധായകനാണ് പ്രശാന്ത് നീല്‍. നേഴ്‌സ് വാക്‌സിന്‍ സൂചി കുത്തിയിറക്കുന്നതും മുഖംപൊത്തിയിരിക്കുന്ന പ്രശാന്തിനെയാണ് ചിത്രത്തില്‍ കാണുന്നത്. സിനിമയില്‍ കട്ട മാസ്സ് ഇറക്കുന്ന സംവിധായകന്‍ പോലും ഇന്‍ജെക്ഷന്‍ പേടിച്ച് മുഖംപൊത്തിയ ചിത്രം സമൂഹ മാധ്യമങ്ങളില്‍ വൈറലായി മാറിയിരിക്കുകയാണ്. വാക്‌സിന്‍ സൂചി കണ്ടപ്പോള്‍ മുഖംപൊത്തിയെങ്കിലും, വാക്‌സിന്‍ സ്വീകരിച്ചിട്ടില്ലാത്തവരെങ്കില്‍ നിങ്ങളും കുടുംബവും, എത്രയും വേഗം സ്ലോട്ട് ബുക്ക് ചെയ്ത് കോവിഡ് വാക്‌സിന്‍ സ്വീകരിക്കണം ,എന്ന് പ്രശാന്ത് നീല്‍ ഏവരോടുമായി തന്റെ ട്വീറ്റിലൂടെ സന്ദേശം നല്‍കി. യഷ് നായകനായ കെ.ജി.എഫിന് തെന്നിന്ത്യന്‍ സംസ്ഥാനങ്ങളിലുടനീളം ആരാധകരുണ്ടായി. കേരളത്തിലും സ്ഥിതി മറിച്ചല്ല. സിനിമയില്‍ നിന്നും സ്വീകരിച്ച രീതി അവലംബിച്ച് കേരളത്തില്‍ അക്രമ സംഭവങ്ങളുണ്ടായ ചരിത്രവുമുണ്ട്. ചിത്രത്തിന്റെ രണ്ടാം ഭാഗവും വെള്ളിത്തിരയിലേക്ക് ഉടന്‍ എത്തുമെന്നാണ് സൂചന. യഷ് അവതരിപ്പിച്ച റോക്കി ഭായിയും സഞ്ജയ് ദത്തിന്റ അധീരയും തമ്മിലെ ഏറ്റുമുട്ടലാവും രണ്ടാം ഭാഗത്തിന്റെ ഹൈലൈറ്റ്. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലാവും ചിത്രം പുറത്തിറങ്ങുക.പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യര്‍ത്ഥിക്കുന്നു. ഓര്‍ക്കുക ഒന്നിച്ചു നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. 'സര്‍ക്കാര്‍ നിര്‍ദ്ദേശങ്ങള്‍ പാലിക്കാം, നമുക്ക് മഹാമാരിയെ ഒന്നിച്ചു നേരിടാം'. വാക്‌സിന്‍ എടുത്തും, സാമൂഹിക അകലം പാലിച്ചും, മാസ്‌ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം.
https://www.facebook.com/Malayalivartha
