ഫാദേഴ്‌സ് ഡേയില്‍ ദുല്‍ഖറിന്റെ മകള്‍ അമീറ മറിയത്തിന്റെ മുടി കെട്ടിക്കൊടുക്കുന്ന മമ്മൂട്ടിയുടെ ചിത്രമാണ് ദുല്‍ഖര്‍ ഷെയര്‍ ചെയ്തിരിക്കുന്നത്. അടിക്കുറിപ്പുകള്‍ ആവശ്യമില്ലാത്ത ചിത്രം, ചിത്രം ആയിരം വാക്കുകള്‍ സംസാരിക്കും, എന്റെ ഏറ്റവും വലിയ സന്തോഷം, എന്റെ പിതാവും മകളും, ദൈവത്തിന് നന്ദി തുടങ്ങിയ ഹാഷ് ടാഗുകള്‍ ഉപയോഗിച്ചാണ് ലോക്ഡൗണ്‍ സമയത്ത് കൊച്ചുമകളും മമ്മൂട്ടിയും തമ്മിലുള്ള ചിത്രം ദുല്‍ഖര്‍ പങ്കുവെച്ചത്. മുടി നീട്ടി വളര്‍ത്തിയ ലുക്കിലുള്ള മമ്മൂട്ടിയാണ് ചത്രത്തിലുള്ളത്. ഫാദേഴ്‌സ് ഡേയില്‍ മലയാള സിനിമാ ലോകത്ത് നിന്ന് നിരവധി ആശംസകളുമായി രംഗത്തെത്തിയിരുന്നു.