ഇതിലാരാണ് ശെരിക്കും അമ്മ... പറക്കും തളികയിലെ നായികയെ കണ്ടാല്‍ ഞെട്ടും
2001ല്‍ പുറത്തിറങ്ങിയ ഹിറ്റ് സിനിമകളില്‍ ഒന്നായിരുന്നു 'ഈ പറക്കും തളിക'. ഈ സിനിമയിലൂടെയായിരുന്നു നിത്യ ദാസ് എന്ന നടി സിനിമയിലെത്തിയത്. പിന്നീട് ശ്രദ്ധേയമായ വേഷങ്ങളിലൂടെ പ്രേക്ഷകരുടെ മനം കവര്‍ന്നിരുന്നു താരം. കുടുംബവിശേഷങ്ങളും യാത്രാവിശേഷങ്ങളുമൊക്കെ ഇടയ്ക്ക് താരം ആരാധകരുമായി ഷെയര്‍ ചെയ്യാറുണ്ട്. കോഴിക്കോട് ബീച്ച് റോഡിലുളള ഫ്‌ലാറ്റിലാണ് നിത്യയും കുടുംബവും താമസം. ഇപ്പോള്‍ സമൂഹ മാധ്യമങ്ങളില്‍ വൈറലാകുന്നത് മകള്‍ നൈനയ്‌ക്കൊപ്പമുള്ള ചിത്രങ്ങളാണ്. നിത്യ തന്നെയാണ് ചിത്രം പങ്കുവെച്ചിരിക്കുന്നത്. എന്നാല്‍ നിങ്ങള്‍ സിസ്‌റ്റേഴ്‌സാണോ, ഇതിലാരാണ് ശെരിക്കും അമ്മ എന്നിങ്ങനെയാണ് ആരാധകരുടെ കമന്റുകള്‍. മുന്‍പ് നൈനക്കൊപ്പമുളള കിടിലന്‍ നൃത്തത്തിന്റെ വീഡിയോകളും നിത്യ പങ്കുവച്ചിരുന്നു. ബാലേട്ടന്‍, ചൂണ്ട, ഹൃദയത്തില്‍ സൂക്ഷിക്കാന്‍, നരിമാന്‍, കുഞ്ഞിക്കൂനന്‍, കഥാവശേഷന്‍ തുടങ്ങിയ ചിത്രങ്ങളില്‍ പ്രധാനവേഷങ്ങളില്‍ അഭിനയിച്ചു. 2007 ല്‍ പുറത്തിറങ്ങിയ 'സൂര്യകിരീട'മാണ് നടി അവസാനം അഭിനയിച്ച സിനിമ. തുടര്‍ന്ന് 2007ല്‍ അരവിന്ദ് സിങ് ജംവാള്‍ലിനെ നിത്യ വിവാഹം കഴിക്കുകയായിരുന്നു. ഇരുവരുടെയും പ്രണയ വിവാഹമായിരുന്നു.
https://www.facebook.com/Malayalivartha
