ലാലേട്ടന് ചിത്രം മരക്കാര് അറബിക്കടലിന്റെ സിംഹം ഉടന് എത്തും
പ്രിയദര്ശന്റെ സംവിധാന്തില് ഒരുങ്ങുന്ന ലാലേട്ടന് ചിത്രം മരക്കാര് അറബിക്കടലിന്റെ സിംഹം ഉടന് എത്തും. കേരളത്തില് മാത്രം 600 തിയേറ്ററുകളില് ചിത്രം റിലീസ് ചെയ്യാനാണ് തീരുമാനം. മാത്രമല്ല പല തവണ ചിത്രത്തിന്റെ റിലീസ് പ്രഖ്യാപിച്ചെങ്കിലും കോവിഡ് വ്യാപനം രൂക്ഷമായതോടെ മാറ്റുകയായിരുന്നു. തുടര്ന്ന് ആഗസ്റ്റ് 12ന് റിലീസ് ചെയ്യാനാണ് ഇപ്പോഴത്തെ തീരുമാനം.
അതേസമയം മരയ്ക്കാര് റിലീസായി മൂന്നാഴ്ചയോളം മറ്റ് ചിത്രങ്ങള് റിലീസ് ചെയ്യില്ലെന്നാണ് റിപ്പോര്ട്ട്. കൂടാതെ മൂന്നാഴ്ച കഴിഞ്ഞ് ഒ.ടി.ടി പ്ളാറ്റ് ഫോമിലും ചിത്രം റിലീസ് ചെയ്യും. ഫിലിം എക്സിബിറ്റേഴ്സ് യുണൈറ്റഡ് ഓര്ഗനൈസേഷനുമായും കേരള ഫിലിം പ്രൊഡ്യൂസേഴ്സ് അസോസിയേഷനുമായി നടന്ന ചര്ച്ചയിലാണ് മരയ്ക്കാര് റിലീസ് ചെയ്ത് മൂന്നാഴ്ചത്തേക്ക് മറ്റ് ചിത്രങ്ങളുടെ റിലീസ് മാറ്റിവയ്ക്കാന് തീരുമാനമായത്. മലയാള സിനിമ ചരിത്രത്തില് തന്നെ ആദ്യമായി 100 കോടിയോളം ബഡ്ജറ്റില് ഒരുക്കുന്ന ചിത്രം കൂടെയാണ് മരയ്ക്കാര്. ആശീര്വാദ് സിനിമാസിന്റെ ബാനറില് ആന്റണി പെരുമ്ബാവൂര് നിര്മ്മിക്കുന്ന മരയ്ക്കാറിന്റെ സഹനിര്മ്മാതാക്കള് കോണ്ഫിഡന്റ് ഗ്രൂപ്പ് സി.ജെ. റോയിയും മൂണ് ഷോട്ട് എന്റര്ടെയ്ന്മെന്റ്സ് സന്തോഷ് ടി. കുരുവിളയുമാണ്.
മരയ്ക്കാര് തീയേറ്ററില് എത്തുന്നതിനു മുന്പ് തന്നെ നിരവധി പുരസ്കാരങ്ങളാണ് നേടിയത്. മോഹന്ലാലിന് പുറമെ ഹിന്ദി, തമിഴ്, തെലുങ്ക്, കന്നഡ, ഭാഷകളിലെ നിരവധി താരങ്ങള് ചിത്രത്തില് അണിനിരക്കുന്നത്. പ്രണവ് മോഹന്ലാല്, പ്രഭു, അര്ജുന്, ഫാസില്, സുനില് ഷെട്ടി, മഞ്ജു വാര്യര്, കീര്ത്തി സുരേഷ്, കല്യാണി പ്രിയദര്ശന്, നെടുമുടി വേണു, മുകേഷ്, സിദ്ദിഖ്, രഞ്ജി പണിക്കര്, ഹരീഷ് പേരടി തുടങ്ങിയ വമ്ബന് താരനിരയാണ് ചിത്രത്തിലുള്ളത്.
https://www.facebook.com/Malayalivartha
