'ഒരുപാടുപേരുടെ ജീവിതസ്വപ്നങ്ങൾക്ക് ആനിയുടെ വിജയം പ്രചോദനമാകട്ടെ'; എസ്ഐ ആനി ശിവയെ അഭിനന്ദിച്ച് നടന് മോഹന്ലാല്
പ്രതിസന്ധികളെ നേരിട്ട് വിജയിച്ച വര്ക്കല എസ്ഐ ആനി ശിവയെ അഭിനന്ദിച്ച് നടന് മോഹന്ലാല്.നിശ്ചയദാര്ഢ്യം കൊണ്ട് ജീവിത വിജയം നേടിയ ആനിയ്ക്ക് അഭിനന്ദനങ്ങള്. ഒരുപാടുപേരുടെ ജീവിതസ്വപ്നങ്ങള്ക്ക് ആനിയുടെ വിജയം പ്രചോദനമാകട്ടെ-മോഹന്ലാല് ഫേസ്ബുക്കില് കുറിച്ചു.
അതേസമയം ആനി ശിവയെ അഭിനന്ദിച്ച് പ്രതിപക്ഷ നേതാവ് വി ഡി സതീശനെ രംഗത്തെത്തി . ഒരു ജീവിതകാലത്തെ മുഴുവന് പ്രതിസന്ധികളോടും ഒറ്റയ്ക്ക് നിന്ന് പോരാടി ജയിച്ച അവളുടെ വാക്കുകള് ഒരു സിനിമാക്കഥയില് ആണെങ്കില് എഴുന്നേറ്റു നിന്ന് കയ്യടിക്കും നമ്മള്. ആണ്കോയ്മയുടെയും, ഈ സമൂഹത്തിന്റെ ഒറ്റപ്പെടുത്തലുകളുടെയും ഇരകളായി നമ്മുടെ സഹോദരിമാരും പെണ്മക്കളും എരിഞ്ഞടങ്ങുന്ന ഈ കെട്ട കാലത്ത്, പ്രതീക്ഷയുടെ പൊന്കിരണമാണ് ആനി ശിവയുടെ ജീവിതം. ഇന്നത്തെ കാലത്ത് സ്ത്രീകള്ക്ക് പോരാടാനുള്ള പ്രചോദനമാവണം ആനി ശിവ.ഫേസ്ബുക്ക് പോസ്റ്റില് അദ്ദേഹം പറഞ്ഞു.
https://www.facebook.com/Malayalivartha