സൂപ്പര് സ്റ്റാര് രജനീകാന്ത് ഇപ്പോൾ ഇവിടെയാണ്..... കുടുംബാംഗങ്ങള്ക്കൊപ്പം അവധിക്കാലം ചിലവഴിച്ച് താരം, യുഎസിലെ വെസ്റ്റ് വിര്ജീനിയയില് നിന്നുള്ള ആരാധകരുമൊത്തുള്ള അദ്ദേഹത്തിന്റെ ഏറ്റവും പുതിയ ചിത്രങ്ങള് ഏറ്റെടുത്ത് സമൂഹമാധ്യമങ്ങൾ
സൂപ്പര് സ്റ്റാര് രജനീകാന്ത് ഇപ്പോള് കുടുംബാംഗങ്ങള്ക്കൊപ്പം യുഎസിലാണ് എന്നുള്ള വാർത്തകൾ കഴിഞ്ഞ ദിവസം പുറത്ത് വന്നിരുന്നു. ഇപ്പോഴിതാ യുഎസിലെ വെസ്റ്റ് വിര്ജീനിയയില് നിന്നുള്ള ആരാധകരുമൊത്തുള്ള അദ്ദേഹത്തിന്റെ ഏറ്റവും പുതിയ ചിത്രങ്ങളാണ് ഇന്റര്നെറ്റില് പ്രചരിക്കുന്നത്.
യുഎസിലെ മയോ ക്ലിനിക്കില് പരിശോധനയ്ക്കായി താരം യുഎസിലേക്ക് പോയിരുന്നു. 2016 ല് രജനീകാന്ത് വൃക്ക മാറ്റിവയ്ക്കല് നടത്തിയിരുന്നു. അന്നുമുതല് യുഎസില് നിരന്തരം സന്ദര്ശനം നടത്തുകയാണ് താരം. ജൂണ് 19 നാണ് രജനീകാന്ത് ഭാര്യ ലതയ്ക്കൊപ്പം ചെന്നൈ അന്താരാഷ്ട്ര വിമാനത്താവളത്തില് നിന്ന് യുഎസിലേക്ക് പുറപ്പെട്ടത്. ദമ്പതികള് ദുബായ് വഴി യുഎസിലേക്ക് പുറപ്പെടുകയായിരുന്നു. ധനുഷും ഐശ്വര്യയും മക്കളായ യാത്രയും ലിംഗയും ഏതാനും മാസങ്ങളായി യുഎസിൽ തന്നെയാണ് ഉള്ളത്.
അടുത്തിടെ രജനീകാന്ത് കുടുംബാംഗങ്ങള്ക്കൊപ്പം യുഎസിലെ വെസ്റ്റ് വെര്ജീനിയയിലേക്ക് പോയിരുന്നു. യാത്രയ്ക്കിടെ കുറച്ച് ആരാധകരുമായി അദ്ദേഹം സംവദിച്ചു. ഇപ്പോള് നടന്റെ ആരാധകര്ക്കൊപ്പമുള്ള
ഫോട്ടോകള് സോഷ്യല് മീഡിയയില് പ്രചരിക്കുകയാണ്. ചിത്രങ്ങളില് രജനികാന്ത് നീല ഷര്ട്ടും ചാരനിറത്തിലുള്ള പാന്റും ധരിക്കുന്നു. രജനീകാന്തിന്റെ ആരോഗ്യപരിശോധന നന്നായി നടന്നുവെന്നും ഉടന് ഇന്ത്യയിലേക്ക് മടങ്ങുമെന്നും ജനപ്രിയ ഗാനരചയിതാവ് വൈരമുത്തു പറഞ്ഞു.
https://www.facebook.com/Malayalivartha
