ഇപ്പോള്‍ സോഷ്യല്‍ മീഡിയയില്‍ വൈറലാകുന്നത് മൃദുലയുടെ ഇന്‍സ്റ്റഗ്രാം സ്‌റ്റോറിയാണ്. യുവയുടെ ചിത്രം പങ്കുവെച്ച് കൊണ്ട് മിസ് ചെയ്യുന്നു എന്നാണ് മൃദുല കുറിച്ചിരിക്കുന്നത്. നിമഷനേരം കൊണ്ട് നടിയുടെ സ്‌റ്റോറി വൈറലാവുകയായിരുന്നു. യുവ എവിടെ പോയി എന്നാണ് ആരാധകര്‍ ചോദിക്കുന്നത്. ഇരുവരും ഒരുമിച്ചുള്ള ചിത്രങ്ങളുടെ പശ്ചാത്തലത്തിലുള്ള മറ്റൊരു ഫോട്ടോയും മൃദുല പങ്കുവെച്ചിട്ടുണ്ട്. ഈ ചിത്രം സ്‌റ്റോറിയായും ഷെയര്‍ ചെയ്തിട്ടുമുണ്ട്.

സോഷ്യല്‍ മീഡിയയില്‍ സജീവമാണ് മൃദുല. വിവാഹത്തിന് മുന്‍പും നടി സമൂഹ മാധ്യമങ്ങളില്‍ സജീവമായിരുന്നു. സീരിയല്‍ വിശേഷങ്ങളും സ്വാകാര്യ സന്തോഷങ്ങളുമൊക്കെ പങ്കുവെയ്ക്കാറുണ്ട്. മികച്ച അഭിപ്രായമായിരുന്നു ലഭിച്ചിരുന്നത്. ഇന്‍സ്റ്റഗ്രാമില്‍ മികച്ച ഫോളോവേഴ്‌സും മൃദുലയ്ക്കുണ്ട്. വിവാഹത്തെ തുടര്‍ന്ന് സീരിയലില്‍ നിന്ന് ചെറിയ അവധി എടുത്തിരിക്കുകയാണ്. സീ കേരളം സംപ്രേക്ഷണം ചെയ്യുന്ന പൂക്കാലം വരവായി എന്ന പരമ്ബരയിലാണ് നിലവില്‍ മൃദുല അഭിനയിക്കുന്നത്.