നല്ല ഉദ്ദേശത്തോടെ നടിമാർ പങ്കുവയ്ക്കുന്ന പല വീഡിയോകൾക്കും നേരെ സൈബർ ആക്രമണം ഉണ്ടാകാറുണ്ട്. കടുത്ത വിമര്‍ശനങ്ങളും അധിക്ഷേപങ്ങളും കൊണ്ട് പിന്നീട് പൊങ്കാല ആയിരിക്കും. സൈബര്‍ സഹോദരന്മാരുടെ തെറിവിളികള്‍ കേള്‍ക്കാത്ത നടിമാര്‍ വളരെ വിരളമാണെന്നതാണ് വസ്തുത. ആക്ഷേ അത്തരക്കാര്‍ക്ക് കൃത്യമായ മറുപടി നല്‍കാനും ചില താരങ്ങൾ തയ്യാറാകാറുണ്ട്. സോഷ്യല്‍ മീഡിയയെ കുറേക്കൂടി ഉത്തരവാദിത്തത്തോടെ ഉപയോഗിക്കുന്ന ആളുകളും ഇത്തരക്കാര്‍ക്കെതിരെ രംഗത്ത് എത്താറുണ്ട്.

അത്തരത്തിൽ തന്റെ ചിത്രത്തിന് ലഭിച്ച മോശം കമന്റിന് അതേ നാണയത്തിൽ മറുപടി നൽകി മാസായിരിക്കുകയാണ് നടി മാളവിക മേനോന്‍. കഴിഞ്ഞ ദിവസം പുതിയ ചിത്രങ്ങൾ പങ്കുവച്ച താരത്തിന്റെ കമന്റ് ബോക്സിലാണ് ഒരാള്‍ വിമര്‍ശനവുമായി എത്തിയത്. തുണിയുരിയുന്നത് ചന്തയിലാണ് എന്നുള്ള ബോധം വല്ലതുമുണ്ടോ? സനൂഷയെ പോലെ... തുണിയുരിഞ്ഞാല്‍ അഭിനന്ദനം അറിയിക്കാനും കയ്യടിക്കാനും ആളുകള്‍ ഉണ്ടാവും. പക്ഷെ സദാചാരത്തിന് യോജിച്ചതല്ല അതൊന്നും. തുണിയുടെ അളവ് കുറക്കുന്നത് സൗന്ദര്യവും സഭ്യതയുമാണ് എന്നൊക്കെ വിവക്ഷിക്കുന്ന പരിഷ്‌കാരികള്‍ വളര്‍ന്നു വരുന്ന നാടാണ് നാടാണ് നമ്മുടെ. സത്യത്തില്‍ ഇതെല്ലാം ആഭാസമല്ലേ? എന്നായിരുന്നു കമന്റ്.

എന്ത് ചെയ്യണം, ചെയ്യണ്ട എന്നു തീരുമാനിക്കാന്‍ എല്ലാവര്‍ക്കും അവരുടേതായ സ്വാതന്ത്ര്യം ഉണ്ട്. മറ്റുള്ളവരുടെ കാര്യം ഞാന്‍ അന്വേഷിക്കാന്‍ പോകാറില്ലെന്നായിരുന്നു മാളവിക നൽകിയ മറുപടി. 2012ല്‍ പുറത്തിറങ്ങിയ നിദ്രയായിരുന്നു മാളവികയുടെ ആദ്യ ചിത്രം. പിന്നീട് ഞാന്‍ മേരിക്കുട്ടി, ജോസഫ്, പൊറിഞ്ചു മറിയം ജോസ്, എടക്കാട് ബറ്റാലിയന്‍, അല്‍ മല്ലു തുടങ്ങിയ സിനിമകളില്‍ അഭിനയിച്ചു.

അല്‍ മല്ലുവാണ് അവസാനം പുറത്തിറങ്ങിയ സിനിമ. മോഹന്‍ലാല്‍ ചിത്രം ആറാട്ട് ആണ് ഇനി പുറത്തിറങ്ങാനുള്ള മലയാളം സിനിമ. മലയാളത്തിന് പുറമെ തമിഴിലും തെലുങ്കിലും അഭിനയിക്കുകയും സിനിമകള്‍ പുറത്തിറങ്ങാനിരിക്കുകയും ചെയ്യുന്നുണ്ട്. സോഷ്യല്‍ മീഡിയയിലും വളരെ സജീവമാണ് മാളവിക.

സനൂഷയ്‌ക്കെതിരെയും ഇത്തരത്തിൽ ആക്രമണം നടന്നിരുന്നു. ഇപ്പോഴും ബാലതാരമാണെന്നാണ് വിചാരം. എന്തെങ്കിലും കോലം കെട്ടും എന്നിട്ട് നാട്ടുകാരെ കൊണ്ട് വൃത്തികെട്ട കമന്റ് ഇടാൻ പ്രേരിപ്പിക്കുക... ഇതെല്ലാം കണ്ട് സ്വയം ആഹ്ളാദിക്കുക. വല്ലാത്ത ജന്മം തന്നെ.'-എന്നായിരുന്നു ഒരാളുടെ കമന്റ്. ഇതിന് 'എന്ത് ചെയ്യാനാ. ഇടയ്ക്ക് മാത്രം നേര്‍മൽ ആകുന്ന ഒരു ജന്മം. കേസ് കൊടുത്താലോ പിള്ളേച്ചാ'-സനൂഷ അധിക്ഷേപ കമന്‍റിന് മറുപടിയായി നല്‍കി. സിനിമ ഇല്ലാത്തതിനാല്‍ തുണിയൂരിയും തുണിയുടെ അളവ് കുറച്ചുമുള്ള ചിത്രങ്ങള്‍ വന്ന് തുടങ്ങി. ഇങ്ങനെയെങ്കിലും ആളുകളുടെ ശ്രദ്ധ നേടി വീണ്ടും അവസരം നേടുകയാണ് എന്നൊക്കെയായിരുന്നു മറ്റ് ചില കമന്റുകൾ, ഇതിന് മറുപടിയെന്നോണം താരം കുറിച്ചത്  വൃത്തികെട്ട കമന്റുകൾക്കായി കാത്തിരിക്കുകയാണെന്നും തുണിയുടെ അളവ് കുറഞ്ഞെന്ന കമന്റുകൾ കണ്ട് ബോറടിച്ചെന്നുമായിരുന്നു.