മലയാളികള്‍ക്ക് സുപരിചിതയായ നർത്തകിയാണ് ഉത്തര ഉണ്ണി. പ്രേക്ഷക പ്രീതിയാര്‍ജിച്ച ‘മാമ്പഴം’ റിയാലിറ്റി ഷോയിലൂടെ അവതാരകയായി മിനി സ്‌ക്രീനിലും കഴിവ് തെളിയിച്ച ഉത്തര ഉണ്ണി വിവാഹിതയായത് അടുത്തിടെയായിരുന്നു. മാട്രിമോണിയലിലൂടെയായിരുന്നു ഊര്‍മ്മിള ഉണ്ണി മകള്‍ക്കായി വരനെ കണ്ടെത്തിയത്. ബിസിനസുകാരനായ നിതേഷായിരുന്നു ഉത്തരയെ ജീവിത സഖിയാക്കിയത്. വിവാഹ ശേഷവും തന്റെ പാഷനായ നൃത്തം കൂടെക്കൂട്ടിയിട്ടുണ്ട് ഉത്തര. കൊവിഡ് കാലമായതിനാല്‍ നേരത്തെ നിശ്ചയിച്ച വിവാഹം ഒരു വര്‍ഷം കഴിഞ്ഞായിരുന്നു നടത്തിയത്.

ഉത്തരയുടെ വിവാഹം ഊര്‍മ്മിള ഉണ്ണിയുടെ വലിയ സ്വപ്‌നമായിരുന്നു. അമ്മയായിരുന്നു വരനെ തിരഞ്ഞതും കണ്ടെത്തിയതും. മാട്രിമോണിയല്‍ സൈറ്റിലൂടെ ആളെ കണ്ടെത്താനാവുമോയെന്ന കാര്യത്തില്‍ സംശയമായിരുന്നു ഉത്തരയ്ക്ക്. അമ്മ നിര്‍ബന്ധിച്ചതോടെയാണ് ഉത്തര നിതേഷിനോട് സംസാരിച്ചത്. കൊച്ചിയില്‍ വെച്ചായിരുന്നു ഇരുവരും ആദ്യമായി കണ്ടത്. ആദ്യ കൂടിക്കാഴ്ചയില്‍ തന്നെ ഇതാണ് തന്റെ പങ്കാളിയെന്നായിരുന്നു ഉത്തരയ്ക്ക് തോന്നിയത്.

നിതേഷിന്റെ ആഗ്രഹം അറിഞ്ഞപ്പോഴായിരുന്നു വിവാഹം ഗ്രാന്റാക്കാന്‍ തീരുമാനിച്ചത്. ഭക്തി നിര്‍ഭരമാവണം വിവാഹമെന്നായിരുന്നു ഉത്തര ആഗ്രഹിച്ചത്. എല്ലാ കാര്യങ്ങളിലും കൂടെ നില്‍ക്കുന്നയാളാണ് നിതേഷ്. അങ്ങനെയാണ് റീലുകളൊക്കെ എടുത്ത് തുടങ്ങിയത്. വിവാഹം നീട്ടിവെച്ചതോടെ രണ്ടാള്‍ക്കും നല്ല രീതിയില്‍ അങ്ങോട്ടും ഇങ്ങോട്ടും മനസ്സിലാക്കാന്‍ കഴിഞ്ഞു.

3 ദിവസങ്ങളിലായി 7 ചടങ്ങുകളായാണ് വിവാഹം നടത്തിയത്. മകളുടെ വിവാഹം ഊര്‍മ്മിള ഉണ്ണി വലിയ സ്വപ്‌നമായി കൊണ്ടുനടന്നതായിരുന്നു. അമ്മയുടെ ആഗ്രഹങ്ങളുടെ പൂര്‍ണ്ണത കൂടിയായിരുന്നു അത്. ചടങ്ങുകള്‍ക്കായി കുടുംബാംഗങ്ങളെല്ലാം ഒത്തുചേര്‍ന്നിരുന്നു. വ്യത്യസ്തമായ പരിപാടികളാക്കി മാറ്റി ആളുകളെ ക്ഷണിച്ചതിനാല്‍ എല്ലാവരേയും കാണാനും സംസാരിക്കാനും കഴിഞ്ഞിരുന്നുവെന്നും ഉത്തര പറയു

വിവാഹ നിശ്ചയത്തില്‍ വളരെ കുറച്ച് പേരാണ് പങ്കെടുത്തത്. എല്ലാവരുടേയും മുന്നില്‍ വെച്ച് പ്രൊപ്പോസ് ചെയ്യുമെന്ന് നിതേഷ് പറഞ്ഞിരുന്നു. കാലില്‍ ചിലങ്ക കെട്ടിയായിരുന്നു നിതേഷ് പ്രൊപ്പോസ് ചെയ്തത്. അത് പ്രതീക്ഷിച്ചിരുന്നില്ല. ജനിക്കുന്നത് പെണ്‍കുഞ്ഞാണെങ്കില്‍ ചിലങ്കമണി കൊണ്ട് ഗുരുവായൂരില്‍ തുലാഭാരം നടത്തുമെന്ന് നേര്‍ന്നിരുന്നു അമ്മ. ഈ കഥയൊന്നും നിതേഷിന് അറിയില്ലായിരുന്നു. ഒരു മാസികയ്ക്ക് നൽകിയ അഭിമുഖത്തിലായിരുന്നു വിവാഹ വിശേഷങ്ങൾ ഉത്തര പങ്കുവച്ചത്.

നടി ഊര്‍മിള ഉണ്ണിയുടെ മകള്‍ എന്ന നിലയിലാണ് ആദ്യം അറിയപ്പെട്ടിരുന്നതെങ്കിലും പിന്നീട് വിവിധ മേഖലകളില്‍ തന്റേതായ വ്യക്തിമുദ്ര പതിപ്പിച്ച താരമായി മാറുകയായിരുന്നു ഉത്തര ഉണ്ണി. മികച്ച നര്‍ത്തകിയും ഷോര്‍ട്ട് ഫിലിം ഡയറക്ടറും കൂടിയാണ് താരം.