ഭര്ത്താവിനൊപ്പം ഗോവയില് വെക്കേഷന് ആസ്വദിച്ച് കാജല് അഗര്വാള്
ഭര്ത്താവ് ഗൗതം കിച്ച്ലുവിനൊപ്പം ഗോവയില് വെക്കേഷന് ആഘോഷിക്കുകയാണ് കാജല് അഗര്വാള്. വെക്കേഷനില്നിന്നുളള ചിത്രങ്ങള് കാജല് തന്റെ ഇന്സ്റ്റഗ്രാം പേജില് ഷെയര് ചെയ്തിട്ടുണ്ട്. പൂളില്നിന്നുളള ചിത്രങ്ങളാണ് താരം ഷെയര് ചെയ്തത്. ബ്ലാക് പ്രിന്റഡ് ബിക്കിനിയാണ് കാജല് ധരിച്ചിട്ടുളളത്. പൂളില് ഒരു ദിവസമില്ലാതെ ഒരു അവധിക്കാലവും പൂര്ണ്ണമാകില്ലെന്നാണ് കാജള് എഴുതിയിരിക്കുന്നത്. 2020 ഒക്ടോബര് 30 നായിരുന്നു കാജല് അഗര്വാളിന്റെ വിവാഹം. മൂന്ന് വര്ഷത്തെ പ്രണയത്തിനും ഏഴ് വര്ഷത്തെ സൗഹൃദത്തിനും ഒടുവിലാണ് കാജലും വ്യവസായിയുമായ ഗൗതം കിച്ച്ലുവും വിവാഹിതരായത്. മുംബൈ സ്വദേശിയായ കാജല് 'ക്യൂന് ഹോ ഗയാ നാ' എന്ന ഹിന്ദി ചിത്രത്തിലൂടെയാണ് അരങ്ങേറ്റം കുറിക്കുന്നത്. പിന്നീട് തെലുങ്ക്, തമിഴ് ഭാഷാചിത്രങ്ങളിലേക്കും ചേക്കേറിയ താരം തെന്നിന്ത്യന് പ്രേക്ഷകര്ക്കും ഏറെ സുപരിചിതയാണ്. 'തുപ്പാക്കി,' 'ജില്ല,' 'വിവേഗം,' 'മെര്സല്' എന്നീ ചിത്രങ്ങളിലും ശ്രദ്ധേയമായ കഥാപാത്രങ്ങളെയാണ് കാജല് അവതരിപ്പിച്ചത്. വിവാഹശേഷവും അഭിനയത്തില് സജീവയാണ് കാജല് അഗര്വാള്. ആചാര്യ, കരുണ്ഗപ്പിയം, ഗോസ്റ്റി, ഹേ സിനാമിക അടക്കമുളള ചിത്രങ്ങളാണ് കാജലിന്റേതായി റിലീസിനായ് ഒരുങ്ങുന്നത്.
https://www.facebook.com/Malayalivartha
