എന്റെ പേര് സാറാ എന്നാണ് സാര്.... സാറയെ തിരിച്ചറിയാതെ ഒരാള് അപ്രതീക്ഷിതമായി ഒരു ചോദ്യം ചോദിച്ചത്
സെയ്ഫ് അലി ഖാന്റെയും മുന്ഭാര്യ അമൃത സിംഗിന്റെയും മകളാണ് സാറ. സിനിമയില് വരുന്നതിന് മുന്പ് ശരീരവണ്ണം കൂടുതലായതിന്റെ പേരില് സോഷ്യല് മീഡിയയില് നടി കളിയാക്കപ്പെട്ടിട്ടുണ്ട്. എന്നാല് പിന്നീട് മെലിഞ്ഞ് പുതിയ മേക്കോവറില് താരപുത്രി എത്തിയിരുന്നു.
പുതിയ രൂപത്തിലാണ് സാറ സിനിമയില് അരങ്ങേറ്റം കുറിച്ചത്. സിനിമ തിരക്കുകള്ക്കിടെയിലും ഫിറ്റ്നെസിന്റെ കാര്യത്തില് അതീവ ശ്രദ്ധ പുലര്ത്താറുണ്ട് നടി. സാറ അലി ഖാന്റെതായി വന്ന പുതിയൊരു വീഡിയോ സോഷ്യല് മീഡിയയില് ട്രെന്ഡിംഗാവുകയാണ്. മുംബൈ ഏയര്പോര്ട്ടില് എത്തിയപ്പോള് പാപ്പരാസികള് നടിയുടെതായി പകര്ത്തിയ ഒരു വീഡിയോ ആണ് സമൂഹ മാധ്യമങ്ങളില് പ്രചരിക്കുന്നത്.
അമ്മ അമൃത സിംഗിനൊപ്പമാണ് നടി ഏയര്പോര്ട്ടില് എത്തിയത്. വിഐപി എന്ട്രിയിലൂടെ പോകാതെ സാധാരണ ഗേറ്റിലൂടെയാണ് സാറയും അമ്മയും ഏയര്പോര്ട്ടിനുളളിലേക്ക് കടക്കാനായി നിന്നത്.. ടെര്മിനലില് നില്ക്കുമ്ബോള് അവിടെ എത്തിയ ഫോട്ടോഗ്രാഫേഴ്സ് എല്ലാം നടിയുടെ പിറകെ തന്നെയാണ്. സാറയോട് പോസ് ചെയ്യാന് ആവശ്യപ്പെടുകയാണ് ഇവര്.
ഇതിനിടെയാണ് സാറയെ തിരിച്ചറിയാതെ ഒരാള് അപ്രതീക്ഷിതമായി ഒരു ചോദ്യം ചോദിച്ചത്. സാറ മാസ്ക്ക് ധരിച്ചതിനാല് ഇവര്ക്ക് പെട്ടെന്ന് കണ്ടപ്പോള് മനസിലായില്ല. 'നിങ്ങളുടെ പേര് എന്താണ്' എന്നാണ് വരിയില് നിന്ന യാത്രക്കാരില് ഒരാള് താരപുത്രിയോട് ചോദിച്ചത്. ഇതിന് ചിരിച്ചുകൊണ്ട് 'എന്റെ പേര് സാറാ എന്നാണ് സാര്' എന്ന് നടി മറുപടി നല്കി.
അതേസമയം സാറയുടെ വീഡിയോയ്ക്ക് പിന്നാലെ നിരവധി പേരാണ് ഇത് സോഷ്യല് മീഡിയയില് പങ്കുവെച്ചിരിക്കുന്നത്. അഭിനയ പ്രാധാന്യമുളള വേഷങ്ങള്ക്കൊപ്പം ഗ്ലാമറസ് റോളുകളിലും എത്തിയ താരമാണ് സാറ അലി ഖാന്. സെലക്ടീവായിട്ടാണ് താരപുത്രി ബോളിവുഡില് സിനിമകള് ചെയ്യുന്നത്. നടിയുടെതായി ഒടുവില് പുറത്തിറങ്ങിയ കൂലി നമ്ബര് വണ് എന്ന ചിത്രത്തിന് സമ്മിശ്ര പ്രതികരണമാണ് ലഭിച്ചത്. എന്നാല് കാര്ത്തിക്ക് ആര്യന്റെ നായികയായി അഭിനയിച്ച ലവ് ആജ്കല് എന്ന സിനിമ സാറയുടെതായി വിജയം നേടി. 2019ലാണ് ഈ ലവ് ആജ്കല് പുറത്തിറങ്ങിയത്.
https://www.facebook.com/Malayalivartha
